IQNA

Majivuno ni tabia mbaya ambayo hupotosha ukweli

14:51 - June 27, 2023
Habari ID: 3477204
Majivuno ni tabia mbaya ambayo hupotosha ukweli, humzuia mtu kuufikia ukweli, na humpeleka kwenye unyonge na fedheha katika ulimwengu huu na ujao.

Majivuno ni miongoni mwa maovu ya kimaadili yaliyokataliwa ndani ya Quran Tukufu, Fahari inahusu kila kitu ambacho huwadanganya wanadamu na kuwapeleka kwenye uzembe na usahaulifu.

Inaweza kuzingatiwa kama tabia mbaya ya kwanza iliyoathiri hatima ya mwanadamu, Iblis (Shetani) aliamrishwa na Mwenyezi Mungu amsujudie Adamu, mwanadamu wa kwanza, lakini alimuasi Mwenyezi  Mungu kwa majivuno, akisema kuwa yeye ni mbora kuliko mwanadamu kwa sababu Umeniumba kwa moto, lakini ulimuumba kwa udongo, Tafsiri ya  aya ya 12 ya Surati Al’A’raf.

Adamu na Hawa sio wanadamu pekee walioathiriwa na majivuno sio yao bali ya Shetani, Kwa mujibu wa Quran Tukufu  kulikuwa na watu wengi katika historia ambao majivuno yao yalipelekea kuangamizwa kwao, Kaumu ya  Nabii Nuhu (AS) walikuwa miongoni mwao;

Wakasema walio kufuru katika kaumu yake; ‘Hatuamini kuwa nyinyi ni bora kuliko sisi wengine,  tunaona kuwa ni wale wenye pupa tu, walio duni miongoni mwetu wanakufuata, Kwa hivyo, hatufikirii kuwa nyinyi ni bora kuliko sisi, bali nyinyi nyote ni waongo ,Tafsiri ya   aya ya 27 ya Surati Hud.

Watu kwa kawaida hufuata akili zao ili kuepusha madhara yanayoweza kutokea lakini watu hawa wenye kiburi walikataa wito wa Nuhu ingawa waliona ukweli wake kupitia miujiza aliyowaonyesha, Hata walimtia moyo  Nabii Noa awaombee adhabu ya Mwenyezi Mungu.

Katika Quran Tukufu, Mungu anatueleza kuhusu hatima ya watu wenye kiburi ili tuepuke uovu huu wa kimaadili.

Watawaita kwa kuwaambia; Je, hatukuwa pamoja nanyi? ‘Ndio  watajibu, ‘lakini mlijijaribu nafsi zenu, mkangojea  yawapate Waumini matatizo,  na mkatia shaka na mkadanganyika kwa matamanio yenu mpaka ikaja amri ya Mwenyezi Mungu, na mlaghai Shetani akakudanganyeni juu ya Mwenyezi Mungu Tafsiri ya  aya 14 ya Surati Al-Hadid.

 

3484097

 

Kishikizo: kupotosha
captcha