اسلامی مزاحمت کا جنگ بندی کی خلاف ورزی پر صیہونی حکومت کو انتباہ

بین الاقوامی گروپ : غزہ اور اسرائیل کے درمیان جنگ بندی کے اعلان کے کچھ ہی گھنٹوں بعد اسرائیلی جنگی طیاروں نے غزہ کو ایک بار پھر نشانہ بنایا ہے دوسری جانب فلسطین کے مختلف مزاحمتی گروپوں نے اسرائیلی جارحیت پر ردعمل ظاہر کرتے ہوئے اعلان کیا ہے کہ اسرائیل کو ان حملوں کا بھر پور جواب دیا جائے گا ۔

ایران  کی  قرآنی  خبر  رساں  ایجنسی (ایکنا)  نے    اطلاع رساں ویب سائیٹ  "  العالم "  کے حوالے سے نقل کرتے ہوئے کہاہے کہ اسرائیل  نے  فلسطین  کے  مزاحمتی  گروپوں  کے  ساتھ  جنگ  بندی  کے  معاہدے  کی  خلاف  ورزی  کرتے  ہوئے  غزہ  پر  ہوائی  حملہ  کیا  ہے  ۔
فلسطینی  ذرائع  کے  مطابق  صیہونی  جنگی  طیاروں  نے    حماس سے  وابستہ  "عزالدین  قسام "  نامی  بٹالین  کے  مرکز  کو  نشانہ  بنایا  ہے  ۔
حماس  کے  ترجمان  "سامی  ابو  زہری"  نے  گزشتہ  روز  ۱۳  مارچ  کو  اپنے  ایک  بیان  میں  صیہونی  حکومت  کو  غزہ میں حالیہ کشیدگی  کا  ذمہ  دار  قراردیا ہے  ۔
1386846