Utayarifu wa Mashindano ya 41 ya Kimataifa ya Qur’ani ya Iran

IQNA – Hatua ya mwisho ya Mashindano ya 41 ya Kimataifa ya Qur'ani Tukufu ya Iran itaanza rasmi kwa sherehe katika Mashhad Jumapili jioni. Kulingana na Kituo cha Masuala ya Qur'ani cha Shirika la Wakfu na Mambo ya Hisani ya Iran, sherehe hiyo itafanyika kesho kuanzia saa kumi na mbili na nusu jioni hadi saa tatu katika Ukumbi wa Quds wa kaburi takatifu la Imam Reza (AS).

Asubuhi ya Jumapili, kikao cha mwelekeo kitaandaliwa kwa ajili ya wajumbe wa jopo la majaji. Washiriki wataanza kushindania zawadi za juu Jumatatu, huku mashindano katika sehemu ya wanawake yakifanyika asubuhi na kwa wanaume jioni.

Kuna mipango kadhaa iliyopangwa kwa washiriki pembeni mwa shindano hilo. Hii ni pamoja na kutembelea kaburi takatifu (Haram) la Imam Ridha (AS) na maeneo yake matakatifu pamoja na kukutana na msimamizi wa kaburi hilo takatifu.

Sherehe ya kufunga, ambapo washindi watajulikana na kutuzwa, itafanyika Ijumaa. Mashindano ya Kimataifa ya Qur'ani Tukufu ya Jamhuri ya Kiislamu ya Iran yanaandaliwa kila mwaka na Shirika la Wakfu na Mambo ya Hisani. Lengo lake ni kukuza utamaduni na maadili ya Qur'ani miongoni mwa Waislamu na kuonyesha vipaji vya wasomaji wa Qur'ani na walinzi.

3491596