Trump kupoteza dau lake kuhusu Gaza, asema mchambuzi
Salaheddin al-Jureshi aliandika makala kwenye tovuti ya Arabi21 akijibu tishio la Trump dhidi ya Ukanda wa Gaza.
Rais wa Marekani alitoa amri inayosemekana kuwa ya mwisho jioni ya Jumatatu, akisema kuwa kama mahabusu wote wa Kizayuni wanaoshikiliwa na Hamas huko Gaza hawataachiliwa hadi Jumamosi mchana, atapendekeza kufuta mapatano ya kusitisha mapigano na "kuruhusu uharibifu mkubwa kutokea."
Al-Joureshi alisema katika makala yake kuwa Trump atajua kwa hakika kwamba atashindwa katika dau lake kama wengine walivyoshindwa.
"Hii si tu kauli, bali ni ukweli ambao historia imeuthibitisha."
Akirejelea kurejea kwa wakimbizi wa Gaza nyumbani mwao licha ya uharibifu mkubwa na changamoto, alisema kuwa mauaji ya kimbari ambayo watu wa Gaza wamepitia katika mwaka na nusu iliyopita hayajawahi kutokea katika historia ya kisasa.
"Pamoja na hayo, watu wa Gaza waliibuka kutoka kwenye vifusi na kupinga utawala huu katili (Israeli). Walilia wafiwa wao, walijaribu kuponya majeraha ya kila mmoja, na waliona uhuru wa mateka wao kwa kubadilishana kwa wafungwa wa adui kama ushindi."
Kwa hivyo, ilikubainika kwa kila mtu kwamba utawala wa dhalimu wa Israel hautadumu zaidi ya saa moja, wakati utawala wa haki utadumu mpaka mwisho wa dunia, alisema.
"Hii si nara tu; ni mojawapo ya misingi ya historia. Jambo muhimu ni kwamba tunayo taifa ambalo halisahau, halipotezi matumaini, halihofu, na haliuzi ardhi yake kwa kipande kidogo cha fedha."
Alisema hizi ni nukta ambazo mtu kama Donald Trump hawezi kuelewa.
"(Trump) alitangaza kwamba kila atakapohitaji msaada kutoka kwa serikali za Misri na Jordan kuwafurusha Wapalestina, watajisalimisha, na hata alifikiria kuwahamisha hadi Indonesia bila hisia yoyote ya aibu."
Hata hivyo, atagundua kwamba atashindwa katika dau lake kuhusu Gaza, alisema mchambuzi huyo kutoka Tunisia, akisisitiza uimara na uthabiti wa watu wa Palestina.
3491835
