Kitabu Kinachotuepusha na Mkengeuko Katika Qur’ani Tukufu
Ikiwa mtu aliyechaguliwa kuwa kiongozi anadai kwa uwongo kwamba anaijua njia, angetupoteza.
Qu’rani Tukufu ni mwongozo ambao umetumwa na Mwenyezi Mungu, Mjuzi wa yote, ambaye anaijua vyema njia iliyo sawa na anaweza kutuonyesha sisi, Kitabu kitukufu kinatuonyesha njia iliyo bora ya kwenda kwa Mwenyezi Mungu na hakitupotezi.
Moja ya maelezo ambayo Imam Ali (AS) anayatumia kwa ajili ya Qur'ani Tukufu ni kwamba haitupotezi kamwe Amirul-Mu’minin (AS) alisema katika Khotba ya 133 ya Nahj al-Balagha; (Qur’ani Tukufu haileti tofauti juu ya Mwenyezi Mungu wala haimpotoshi mfuasi wake kutoka kwenye njia ya Mwenyezi Mungu.
Qur'ani Kitukufu ni kitabu ambacho aya zake hazina tafauti na kupingana kwa sababu la sivyo, kisingehesabiwa kuwa ni kitabu kutoka kwa Mwenyezi Mungu, Hayo yamesisitizwa katika Aya ya 82 ya Sura An-Nisa, Je, hawaitafakari Qur’ani? Lau kuwa imetoka kwa asiyekuwa Mwenyezi Mungu, bila shaka wangelikuta ndani yake ingekuwa khitilafu nyingi.
Kuhusu maelezo ya Imam Ali (AS) ya Qur'ani Tukufu, yaliyotajwa hapo juu, Ayatollah Nasser Makaremu Shirazi alibainisha kwamba yeyote anayeshikamana na mafundisho ya Kitabu hicho Kitukufu kamwe hatapotea na yeyote anayeitumainia Qur’ani Tukufu hatakatishwa tamaa.
Kitabu Kinachoongoza Kwenye Uongofu Katika Ulimwengu Mbili
Wengine wanaweza kuuliza vipi kuhusu baadhi ya wahifadhi na wasomaji wa Qur’ani Tukufu ambao wamepotoka? Kwa mfano, usiku mmoja Imam Ali (AS), akiwa amefuatana na Kumaili, alikuwa akienda nyumbani alipomsikia mtu akisoma Qur’ani katika nyumba moja, Kumayl alipenda sana usomaji wa Qur’ani lakini hakusema chochote, Muda mrefu baada ya hapo wakati wa vita dhidi ya Khawarij, Imam Ali (AS) aliashiria maiti kutoka kwa adui na kumwambia Kumaili Huyu ndiye mtu yule yule ambaye usomaji wa Qur'ani Tukufu ulikuvutia usiku ule.
Basi inakuwaje mtu anayesoma Qur’ani usiku hatimaye auwawe katika vita dhidi ya Walii wa Mwenyezi Mungu?
Qur’ani Tukufu ni muongozo bila shaka lakini ni Imamu ambaye atatuongoza kwa Qur’ani, Hakuna mwenye elimu juu ya Qur'ani kama Maimamu Maasumin (AS) wanavyofanya, Kwa hivyo ufahamu wa Imam kutoka katika Qur’ani ndio unaotuongoza na kutuokoa.
Mtume Muhammad (s.a.w.) aliyataja haya katika Hadithi ya Thaqalalini.
Nimeacha miongoni mwenu vitu viwili vya thamani hadithi ya Thaqalayn, maadamu nyinyi mtashikamana navyo hamtapotea baada yangu, Kitabu cha Mwenyezi Mungu na Itrah yangu, Ahl-ul-Bayti wangu hawatatengana mpaka wanifikie karibu na Bwawa, basi angalia jinsi utakavyowatendea baada yangu.
