Jordan yazindua mradi wa kukusanya na kurekebisha nakala za Qur'ani Tukufu zilizochakaa
Mradi huu ulizinduliwa Jumatatu na kitengo cha misikiti cha idara hiyo. Lengo kuu ni kukusanya nakala za Qur'ani Tukufu zilizochakaa au kuraruka na kuzikarabati zile ambazo bado zinaweza kutumika.
Kwa mujibu wa mpango huo, nakala ambazo haziwezi tena kutumika zitatunzwa na kuondolewa kwa mujibu wa mwongozo wa Kiislamu, ili kulinda heshima ya Kitabu Kitukufu.
Mkurugenzi wa Awqaf wa Tafilah, Luay al-Dhanibat, alieleza kuwa juhudi hizi ni “mradi wa kitaifa ambao kupitia misikiti zaidi ya 200 ya Tafilah, nakala za Qur'ani zilizochakaa na kuraruka zitakusanywa kwa madhumuni ya kuzihifadhi na kuziorodhesha.”
Akasema kuwa nakala nyingi “zipo katika hali ambayo haziwezi tena kusomeka, na zitaondolewa kwa mujibu wa taratibu za Kiislamu na kwa heshima.”
Al-Dhanibat alisisitiza kuwa lengo kuu ni kulinda heshima ya Qur'ani Tukufu na kuzuia aina yoyote ya kuidhalilisha. Pale inapowezekana, nakala zitakarabatiwa na kufungwa upya.
Mradi huu utaendelea kwa muda wa wiki moja kwa ratiba maalumu, na utatekelezwa kwa ushirikiano na watumishi wa misikiti, wakiwemo maamuma, maimamu na kamati za misikiti.
Mkurugenzi aliongeza kuwa Wizara ya Awqaf ya Jordan inatilia mkazo mkubwa Qur'ani Tukufu na inashiriki kikamilifu katika kukusanya nakala zilizochakaa na kuharibika.
3495440
