رمضان المبارک کے حوالے سے شیخ الازهر کا پیغام

ایکنا: شیخ الازهر نے رمضان المبارک پر امت کو وحدت اور فلسطین سے یکجہتی کا پیغام دیا ہے۔

ایکنا نیوز، عربی 21 نیوز کے مطابق  شیخ الازہر احمد الطیب نے رمضان المبارک کی آمد پر اسلامی ممالک کے لیے خصوصی پیغام جاری کیا، جس میں انہوں نے امت مسلمہ کو اتحاد اور بھائی چارے کے رشتے مضبوط کرنے کی تلقین کی۔

فلسطینیوں کی حمایت پر زور

شیخ الازہر نے سوشل میڈیا پلیٹ فارم "ایکس" پر جاری کردہ پیغام میں مسلمانوں سے اپیل کی کہ وہ فلسطینی بھائیوں کو فراموش نہ کریں اور ان مبارک لمحات میں فلسطین کے حق میں دعائیں کریں۔ انہوں نے دعا کی کہ:

اللہ تعالیٰ فلسطینیوں کو ان کے دشمنوں پر غلبہ عطا فرمائے۔

انہیں اپنے گھروں اور اپنی سرزمین پر ثابت قدم رکھے۔

انہیں زبردستی بے دخل کرنے کی سازشوں سے محفوظ رکھے۔

عالم اسلام کو رمضان کی مبارکباد

شیخ الازہر نے مصری صدر عبدالفتاح السیسی، اسلامی و عرب ممالک کے حکمرانوں اور عوام کو ماہ رمضان کی آمد پر مبارکباد دی۔

عرب ممالک میں رمضان المبارک کا آغاز

سعودی عرب اور 17 دیگر عرب ممالک نے جمعہ کی شام چاند دیکھنے کے بعد ہفتہ کو پہلا روزہ رکھنے کا اعلان کیا۔

ان ممالک میں سعودی عرب، مصر، قطر، امارات، عمان، بحرین، کویت، فلسطین، یمن، عراق، اردن، شام، لبنان، سوڈان، لیبیا، تیونس، الجزائر اور صومالیہ شامل ہیں۔

مراکش میں چاند نظر نہ آنے کے باعث اتوار کو پہلا روزہ رکھا جائے گا۔

لبنان اور عراق کے شیعہ مسلمانوں نے بھی رمضان المبارک کا آغاز اتوار سے کرنے کا اعلان کیا ہے۔/

4268843