Ayatullah Kermani: Marekani ni adui mkuu wa Iran

Khatibu wa Sala ya Idul Adh'ha iliyosaliwa Jumapili asubuhi kwenye viwanja vya Chuo Kikuu cha Tehran amesema kuwa, iwapo Waislamu wataitumia vizuri ibada ya Hija, wakaamka na kuzitambua vizuri njia za kukabiliana na adui, kamwe Umma wa Kiislamu hautadhalilishwa.

Ayatullah Muhammad Ali Muvahhedi Kermani amesema kuwa, akiba bora zaidi ya mwanadamu katika maisha ya duniani na akhera ni kumcha Mwenyezi Mungu na kuongeza kwamba, uchaji Mungu haumpi mwanadamu fursa ya kubaki kwenye dhuluma, bali humfungulia njia ya kuelekea kwenye saada na ukamilifu.
Katika sehemu nyingine ya hotuba ya Sala ya Idul Adh'ha, Ayatullah Kermani ameeleza pia baadhi ya baraka zilizomo katika siku ya Arafa na kusema kuwa, nguvu ya siku ya Arafa ya kuondosha madhambi ni kubwa zaidi kuliko ya mwezi Mtukufu wa Ramadhani, lakini baadhi ya waumini wameghafilika na baraka za siku hiyo na wala hawatambui umuhimu wake.../mh

1457107