Shiriki Mashindano ya Nne ya Kimataifa ya Qur’ani ya Meshkat

TEHRAN (IQNA)- Makala ya 4 ya Mashindano ya Kimataifa ya Qur'ani ya Meshkat yanatarajiwa kufanyika nchini Iran katika miezi ijayo.

Katika mkutano na waandishi wa habari uliofanyika katika makao makuu ya Shirika la Habari la IQNA mjini Tehran siku ya Jumanne, Hujjatul-Islam Mojtaba Mohammadi, Mkurugenzi wa Taasisi ya Qur'ani ya Meshkat, alitoa maelezo kuhusu programu mashindano hayo ya Qur'ani.

Alisema tukio hilo linajumuisha sehemu za kitaifa na kimataifa. Sehemu ya kitaifa inajumuisha kategoria nne za kuhifadhi Quran nzima, usomaji kwa kuiga mtindo wa maqarii au wasomaji maarufu, Tarteel, na Adhana. Sehemu ya kimataifa inajumuisha kategoria mbili za kwanza zilizotajwa  hapo na itafanyika kwa wanaume na wanawake walio juu na chini ya miaka 16 katika vikundi tofauti.

Hatua ya awali itafanyika kwa njia ya intaneti na washindi wataingia hatua inayofuata ambayo itafanyika ana kwa ana, aliongeza Hujjatul-Islam Mohammadi.

Usajili huo utafunguliwa Juni 11 na utakamilika Julai 10, alisema, akiongeza kuwa sehemu ya kitaifa itakamilika Septemba 9.

Tarehe 8 hadi 10 Oktoba imepangwa kuwa tarehe ya kufanyika kwa sehemu ya kimataifa na sherehe za kufunga zitaandaliwa Oktoba 18, sambamba na kumbukumbu ya kuzaliwa kwa Mtume Muhammad (SAW), aliongeza.

Mshindi wa kila kitengo ataleta nyumbani Rial milioni 800 (karibu $2,600 USD) huku safu mbili zinazofuata zitapata Rial milioni 700 na 600 (karibu $2,300 na $2,000 USD) mtawalia.

Washiriki katika kategoria ya usomaji wanapaswa kuiga mojawapo ya visomo vinne vifuatavyo:

- Qiraa ya Aya ya 6 hadi 25 ya Surah Al-Inshiqaq ya Sheikh Shahat Muhammad Anwar

- Qiraa ya Aya ya 1 hadi 18 ya Surah Al-Balad ya Sheikh Abdul Basit

- Qiraa ya Aya ya 22 hadi 24 ya Surah Al-Hashr ya Sheikh Muhammad Siddiq Al-Minshawi

- Qiraa ya Aya 250 hadi 252 za ​​Sura Al-Baqarah ya Sheikh Mustafa Ismail

Mshindi wa sehemu hii katika ngazi ya kitaifa pia atashindana katika sehemu ya kimataifa kama mwakilishi wa Iran.

Mkuu wa kitengo cha kiufundi cha mashindano Mohammad Hussein Sabzali anasema wanatabiri kuwa mashindano hayo yatakuwa na washiriki kutoka nchi zaidi ya sabini duniani. Kwa maelezo zaidi tembelea tovuti ya https://mqmeshkat.com/

4062599