Nani aliyetarjumu Qur’ani kwa mara ya kwanza kutoka Kiarabu hadi Kiingereza?

IQNA – Tafsiri ya Qur’ani Tukufu ilianza katika miaka ya mwanzo baada ya ujio wa Uislamu, na baadhi ya sehemu za Kitabu Kitukufu zilifasiriwa wakati wa uhai wa Mtukufu Mtume Muhammad (SAW).

Baadhi ya Wairani walimtaka Salman Farsi, Sahaba wa Mtume Muhammad (SAW) kutarjumu au kufasiri sura ya kwanza ya Quran, Surah Al-Fatiha, kwa Kiajemi, na Mtukufu Mtume (SAW) aliidhinisha hatua hiyo.

Tarjuma ya kwanza ya Qur’an kwa lugha ya Kiajemi au Kufarsi  imebakia hadi leo na imejumuishwa katika Tafsiri ya Tabari wa Quran Tukufu.

Kuhusu lugha za Ulaya, Qur’ani Tukufu imetarjumiwa katika Kiingereza, Kifaransa, Kiebrania, Kihispania, Kiholanzi, Kiitaliano, Kirusi na Kiswidi, kuanzia karne ya 16.

Tarjuma ya kwanza kati ya hizo ilifanywa kwa Kiitaliano mwaka wa 1547.

Katika lugha ya Kiingereza, Alexander Ross ndiye alietayarisha tarjuma ya Qur’ani kwa mara ya kwanza mwaka 1648 sio kutoka kwa Kiarabu bali kutoka kwa tafsiri ya Kifaransa ya Andrere Durye.

Kisha George Sale akawa wa kwanza kuandika tarjuma ya Qur’ani Tukufu kwa Kiingereza kutoka kwa Kiarabu na ikabakia pekee hadi mwishoni mwa karne ya 19.

Katika tarjuma hiyo aliandika utangulizi Uislamu, ulichapishwa mara kwa mara.

Kazi ya Sale si tarjuma ya neno kwa neno ya Qur’ani Tukufu bali pia ni tafsiri.

Katika dibaji hiyo, ambayo ina kurasa zaidi ya 200, Sale inazungumza kuhusu hali ya kihistoria ambamo Qur’ani iliteremshwa na inatoa utangulizi mfupi wa maisha, utamaduni na imani za Waarabu na Waislamu.

Pia anaonyesha katika utangulizi kwamba lengo lake la kutafsiri Qur’ani Tukufu lilikuwa ni kuwasaidia Waprotestanti kuelewa zaidi Kitabu Kitakatifu cha Uislamu ili kujua jinsi wanavyoweza kukabiliana na Waislamu.

3488321