Tarjuma mpya ya Qur'ani kwa lugha ya Kialbania yazinduliwa Kosovo
Katika hatua muhimu ya kukuza utamaduni wa Kiislamu nchini humo, baraza hilo limechapisha toleo jipya la Qur'ani lililotafsiriwa kwa lugha ya Kialbania, lenye jina “Qur'ani Tukufu - Tarjuma ya Kialbania”, tovuti ya Muslimun Hawl Alam iliripoti.
Hatua hii ni sehemu ya mpango wa baraza uliotangazwa kwa kauli mbiu “Qur'ani, Zawadi kwako,” inayolenga kutoa tafsiri na tarjuma za kisasa za Qur'ani Tukufu.
Tarjuma hii inaeleweka kwa urahisi na inapatikana kwa wasemaji wote wa Kialbania katika maeneo ya Balkan Magharibi na kote ulimwenguni.
Mradi huu muhimu, ulioratibiwa na kuidhinishwa na Urais wa Baraza la Wataalamu wa Kiislamu la Kosovo, umefanywa kwa kushirikiana na Urais wa Masuala ya Kidini wa Uturuki.
Ni matokeo ya juhudi za pamoja zinazolenga kukuza maadili ya Kiislamu na kuelewa vyema Qur'ani miongoni mwa jamii za Kialbania katika nchi za Balkan Magharibi (Kosovo, Albania, Makedonia Kaskazini, Montenegro, na eneo la Brçallë kusini mwa Serbia) pamoja na miongoni mwa jamii za wahamiaji wa Kialbania huko Ulaya na kote ulimwenguni.
Tarjuma hii inachukuliwa kuwa toleo linaloeleweka zaidi katika ulimwengu wa wasemaji wa Kialbania. Mtafiti maarufu Haji Sharif Ahmedi, anayejulikana kama Mwalimu wa Wataalamu, alitayarisha tarjuma ya kwanza mnamo 1988 huko Pristina, mji mkuu wa Kosovo. Tangu wakati huo, imechapishwa tena mara kadhaa katika vituo na nchi mbalimbali duniani, na leo imefikia idadi kubwa zaidi ya Waislamu wanaolitumia kuboresha maarifa yao juu ya Qur'ani Tukufu na kuimarisha imani yao.
Toleo jipya lililochapishwa hivi karibuni, kufuatia ukaguzi wa kina na marekebisho ya lugha kwa msingi wa toleo la 1988, sasa inapatikana nakala elfu tano, ambazo zinasambazwa kama zawadi kwa Waislamu katika maeneo yote ya wasemaji wa Kialbania.
Baraza la Wataalamu wa Kiislamu la Kosovo lina hamu ya kupanua wigo wa mradi huu katika siku zijazo, na inatarajiwa kuwa tafsiri zaidi za Qur'ani zitachapishwa hivi karibuni.
3491301
