Msahafu wa Haram ya Imam Hussein (AS)
Msahafu huo mpya uliyochapishwa pia unajumuisha teknolojia za kidijitali za kisasa. Hafla hiyo ilihudhuriwa na Sheikh Abdul-Mahdi Al-Karbalai, msimamizi wa kidini wa haram hiyo, pamoja na viongozi maarufu wa kidini na wasomi.
Kulingana na ofisi ya habari ya haram hiyo, mushaf wa Qur’ani uliochapishwa chini ya usimamizi wa mshauri wa masuala ya Qur’ani wa haram hiyo, na programu maalum ya kidijitali kwa ajili ya Qur’ani iliandaliwa na idara ya programu za vyombo vya habari ya haram hiyo.
Sheikh Hassan Al-Mansouri, mshauri wa masuala ya Qur’ani, alihutubia hafla hiyo akisema, "Juhudi kubwa zilifanywa kuhakikisha kazi hii inafikia kiwango cha juu cha usahihi na utaalamu. Kamati ya kimataifa ya wasomi maarufu walishiriki katika kukagua kukamilika kwake."
Ali Al-Saffar, mwanachama wa kamati ya ukaguzi wa Qur’ani, alisisitiza sifa za kipekee za toleo hili, akibainisha jukumu lake katika kukuza utamaduni wa Qur’ani kulingana na maendeleo ya kisasa. "Kamati inayosimamia mafanikio haya ilijumuisha wataalam kutoka nchi mbalimbali za Kiislamu," alisema.
Muntadhar Al-Mansouri, mkurugenzi wa Kituo cha Kimataifa cha Qur’ani katika haram hiyo, alielezea sifa za programu ya kidijitali, ikiwa ni pamoja na upatikanaji wa tafsiri, utafutaji, uwezeshaji wa Khatm al Qur’an, na huduma nyinginezo za kidijitali.
/3492205
