Msahafu ulioandikwa kwa mkono na Wafanyaziara wa Arbaeen waonyeshwa katika Maonyesho ya Qur'ani ya Tehran

IQNA – Nakala ya Qur'ani ya kipekee iliyoandikwa kwa mkono na Wafanyaziara wa Arbaeen inaonyeshwa katika banda la Haram ya Hadhrat Abbas (AS) kwenye Maonyesho ya 32 ya Kimataifa ya Qur'ani Tukufu ya Tehran.

Katika hayo, banda la Baraza la Kisayansi la Qur'ani, linalohusiana na Haram ya Hadhrat Abbas (AS), linaonyesha "Thamara al-Arba'in Bi-Amanil al-Zairin" (Msahafu Ulioandikwa kwa Mikono ya Wafanyaziara wa Arbaeen).

Msahafu huu wa kipekee, uliiyoandikwa kwa mkono na washiriki wa matembezi ya Arbaeen, unaonyeshwa kwa umma. Uandishi wa nakala hii ya Qur'ani (Msahafu) ulikamilika katika mwaka wa 1444 Hijria.

Banda hilo pia linaonyesha matoleo ya kwanza hadi ya sita ya Al-Mushaf al-Abbasi, ambao uliandikwa kwa mkono na mwandishi maarufu wa kaligrafia wa Iraq, Hamid al-Saadi. Matoleo haya ni maarufu kwa kuwa nakala za kwanza za Qur'ani zilizoandikwa na mtaalamu wa kaligrafia wa Iraqi.

Nakala ya Haram ya Abbas ibn Ali (AS) imeongezwa kwenye banda hilo, ikileta hisia za kumbukumbu za Haram ya Dhahabu huko Karbala.

Wageni wanakaribishwa kuweka majina yao katika chombo maalum kwa fursa ya kushiriki katika droo ya kushinda bendera ya kijani kutoka haram hiyo.

Aidha, banda hilo linaonyesha miradi mbalimbali ya Qur'ani na shughuli za haram, kama vile:

• Mpango wa kuhifadhi Qur'ani, Mradi wa "Nyumba za Nuru", Kozi za kuhifadhi Qur'ani za majira ya joto, Vituo vya Qur'ani katika hija ya Arbaeen.

Vichapisho vya haram hiyo, vinavyoshughulikia mada kama vile sayansi ya Qur'ani, tafsiri, miujiza ya Qur'ani, ufasaha, na visa vya Qur'ani, pia vipo kwa ajili ya kutazamwa. Moja ya kazi mashuhuri ni "Al-Tafseer al-Manhaji li al-Quran al-Kareem", tafsiri ya Qur'ani yenye juzuu 17.

Warsha ya kaligrafia ya Kiarabu inafanyika katika banda hilo, ambapo wageni wanaweza kuona maandiko ya aya za Qur'ani, Hadithi, na maneno maalum yanayohusiana na Ahl al-Bayt (AS).

3492284