Warsha wa nchini UAE kujadili Njia za Kufundisha Qur'ani kwa watoto

IQNA- Warsha ya kielimu yenye kuhusu “Mbinu za Kufundisha Qur'ani kwa Watoto: Mitazamo ya Kihistoria na ya Kisasa”  imefanyka  huko Sharjah, Umoja wa Falme za Kiarabu.

Jukwaa la Al Muntada Al Islami  limeandaa tukio hilo ambalo limefanyika  Jumamosi na Jumapili, Mei 3-4, 2025. Mpango huu ni sehemu ya juhudi endelevu za jukwaa hilo katika kuendeleza utamaduni wa kidini kwa jamii mbalimbali na kuthibitisha nafasi yake muhimu katika kulea Qur'ani na mafundisho yake.

Vipindi vya kielimu vitawalenga wataalamu wa sayansi za Sharia, wale wanaopenda kufundisha Qur'ani, wazazi, na wale wanaohusika na masuala ya watoto. Vipindi vya siku ya kwanza vilihusiha mada mbili kuu zinazohusiana na malezi ya watoto wa Kiislamu:

Mada ya Kwanza: Umuhimu wa Kufundisha Qur'ani na Athari Zake kwa Watoto

Dr. Hadi Hussein, profesa katika Chuo Kikuu cha Mohammed bin Zayed University ameongeza kipindi cha kwanza, akijadili thamani kubwa ya kielimu na kiroho ambayo Qur'ani inawapatia watoto katika miaka yao ya makuzi.

Amesisitiza umuhimu wa kufundisha Qur'ani kutoka umri mdogo ili kuimarisha utambulisho wa Kiislamu na kujenga kinga ya kimaadili na kitabia itakayowalinda watoto dhidi ya upotoshaji wa kiitikadi na mwenendo usiofaa katika kipindi cha changamoto nyingi za kitamaduni.

Mada ya Pili: Kufundisha Qur'ani kwa Watoto: Mtazamo wa Kihistoria

Katika kipindi cha pili, Dr. Saleh Mohammed Al-Luhaibi, profesa mshiriki katika  Chuo Kikuu cha Sharjah, amechambua hatua za kihistoria za elimu ya Qur'ani kwa watoto. Majadiliano haya yameangazia mabadiliko kutoka shule za jadi zilizotegemea kukariri na mabamba ya mbao hadi matumizi ya zana za kisasa kama programu za kielektroniki na ujifunzaji shirikishi.

Kikao hicho kimetoa njia bunifu za kusawazisha uhalisia wa jadi na mbinu za kisasa katika ufundishaji wa Qur'ani, ili kuhakikisha watoto wanashiriki kikamilifu na kuelewa mafundisho ya Qur'ani kwa ufanisi.

3492911