رمضان المبارک کا مقام خطبه شعبانیه پیغمبر(ص) کے رو سے

ایکنا: بوعلی سینا یونیورسٹی کے استاد نے خطبه شعبانیه کے رو سے اس مقدس ایام میں اخلاق نیک، مدارا اور گناہوں سے پرہیز کو اہم ترین أمور میں قرار دیا۔

ایکا نیوز کے مطابق خطبه شعبانیہ وہ وعظ ہے جو نبی اکرمﷺ نے ماہ رمضان کی فضیلت کے بارے میں ارشاد فرمایا۔ چونکہ یہ خطبہ ماہ شعبان کے آخری جمعے کو دیا گیا تھا، اس لیے اسے "خطبه شعبانیہ" کے نام سے جانا جاتا ہے۔ اس خطبے میں نبی کریمﷺ نے زیردستوں اور محتاجوں کا خیال رکھنے، آنکھ، کان اور زبان کی حفاظت کرنے، قرآن کریم کی تلاوت کرنے، صلوات بھیجنے اور قیامت کو یاد رکھنے کی تاکید فرمائی ہے۔

اسی خطبے کے مضامین سے "رمضان، اللہ کی مہمانی کا مہینہ ہے" اور "روزہ دار کی نیند عبادت ہے" جیسی تعبیرات اخذ کی گئی ہیں۔ اس حوالے سے یونیورسٹی استاد سے گفتگو ہوئی ہے۔

ایکنا _ رمضان المبارک بارے وضاحت فرامئے۔

ماہ رمضان کی فضیلت

امام باقر علیہ السلام فرماتے ہیں: "ہر چیز کا ایک بہار ہوتا ہے اور قرآن کی بہار رمضان کا مہینہ ہے۔" رمضان قرآن کا مہینہ ہے کیونکہ اسی مہینے میں قرآن کریم نازل ہوا، اور شب قدر میں پہلی بار نبی اکرمﷺ کے قلبِ مبارک پر اترا۔ اس ماہ میں اللہ تعالیٰ نے اپنی رحمت بندوں کے لیے عام کر دی ہے۔

نبی اکرمﷺ ماہ شعبان کے آخری جمعے میں جو خطبہ ارشاد فرماتے تھے، وہی خطبہ شعبانیہ کہلاتا ہے۔ اس خطبے میں آپﷺ نے فرمایا: "اے لوگو! تمہارے پاس برکت، رحمت اور مغفرت والا مہینہ آ چکا ہے۔ یہ مہینہ اللہ کے نزدیک سب مہینوں سے افضل ہے، اس کے دن بہترین دن، اس کی راتیں بہترین راتیں، اور اس کے لمحات بہترین لمحات ہیں۔"

آپﷺ مزید فرماتے ہیں: "یہ وہ مہینہ ہے جس میں تمہیں اللہ کی مہمانی کی دعوت دی گئی ہے اور تمہیں اہلِ کرامت میں شمار کیا گیا ہے۔ تمہاری سانسیں اس میں تسبیح ہیں، تمہاری نیند عبادت ہے، تمہارے اعمال مقبول ہیں اور تمہاری دعائیں مستجاب ہیں۔"

ماہ رمضان میں افضل اعمال

نبی کریمﷺ فرماتے ہیں: "مساکین اور ضرورت مندوں کو صدقہ دو، بڑوں کی عزت کرو، چھوٹوں پر رحم کرو، رشتہ داروں سے صلہ رحمی کرو، اپنی زبان کی حفاظت کرو، اپنی آنکھوں اور کانوں کو ایسی چیزوں سے بچاؤ جو نہیں دیکھنی اور سننی چاہئیں۔"

آپﷺ مزید فرماتے ہیں: "یتیموں پر رحم کرو تاکہ تمہارے یتیموں پر بھی رحم کیا جائے۔ اپنے گناہوں سے اللہ کی بارگاہ میں توبہ کرو، اور نماز میں دعا کے لیے اپنے ہاتھ اٹھاؤ، کیونکہ یہ ایسا مہینہ ہے جس میں اللہ اپنے بندوں پر رحمت کی نظر ڈالتا ہے۔ اگر تم اسے پکارو، وہ تمہاری دعا قبول کرے گا، اور اگر اسے بلاؤ، وہ تمہیں جواب دے گا۔"

ایکنا _ اس مہینے کے افضل ترین اعمال کیا ہیں ؟

ماہ رمضان میں برترین اعمال

نبی کریمﷺ فرماتے ہیں: "اے لوگو! جو شخص اس مہینے میں اپنے اخلاق کو بہتر بنائے، اللہ قیامت کے دن اس کے حساب کو آسان کر دے گا۔ جو شخص اپنے ماتحتوں پر آسانی کرے، اللہ قیامت میں اس کے حساب کو آسان کر دے گا۔"

"اے لوگو! جنت کے دروازے اس مہینے میں کھول دیے گئے ہیں، اللہ سے دعا کرو کہ وہ انہیں تمہارے لیے بند نہ کرے۔ جہنم کے دروازے بند کر دیے گئے ہیں، اللہ سے دعا کرو کہ وہ انہیں تم پر نہ کھولے۔ شیاطین جکڑ دیے گئے ہیں، اللہ سے دعا کرو کہ وہ انہیں تم پر مسلط نہ کرے۔/

4267484