Siku Ambayo Hakuna Kutoroka
Siku ambayo hakuna kutoroka ni Siku ya Kiyama. Wanadamu wote, bila kujali vyeo na nyadhifa zao, ziwe nzuri au mbaya, watasimama mbele za Mwenyezi Mungu, Mbora wa Mahakimu kujibu juu ya kile walichokifanya katika ulimwengu huu. Hakuna uwezekano kabisa wa kuondoka nayo. Kila mtu atazawadiwa au kuadhibiwa kulingana na matendo yake.
Katika Qur’ani Tukufu Aya ya 33 ya Sura Al-Rahman inaashiria ukweli kwamba Mwenyezi Mungu anajua kila kitu kiko katika amri kamili na mwanadamu hana njia ya kutoka: “ Enyi makundi ya majini na watu! Mkiweza kupenya kwenye mbingu na ardhi, basi penyeni! Hamtapenya ila kwa kupewa madaraka.”
Baadhi ya wafasiri wa Qur’ani wanasema aya hii inarejelea mamlaka ya Mwenyezi Mungu juu ya ardhi lakini kwa kuzingatia dhana zilizotajwa katika aya kabla na baada yake, wafasiri wengi wanaamini kuwa inahusu Siku ya Hukumu.
Kwa kawaida tunapozungumza kuhusu kutoroka, kuna hali mbili zinazomfanya mtu kukimbia kitu: Kwa upande mmoja tunakabiliwa na jambo au tukio la kutisha na kwa upande mwingine tunakimbilia sehemu ambayo tutapata hifadhi. Ndiyo maana tunyakimbia yale yanayotisha na kututishia na kuelekea mahali penye usalama.
Hata hivyo, hakuna njia ya kuepuka hukumu ya Mwenyezi Mungu kwa sababu Yeye ndiye mtawala wa ulimwengu wote wa kuwepo. Zaidi ya hayo, ikiwa tutaelewa kwa hakika dhati ya Tauhidi na sifa za Mwenyezi Mungu, tutatambua kwamba hakuna chochote kutoka kwa Mwenyezi Mungu kinachotutishia. Mwenyezi Mungu ni mwenye kuwarehemu na kuwahurumia wanadamu wote, kwa hiyo, hakuna chochote kutoka kwa Mungu kinachotutishia na kutulazimisha kukimbia.
Ikumbukwe kwamba vitisho na hatari zinatokana na wanadamu wenyewe na matendo yao na kwamba adhabu ya Mwenyezi Mungu ni matokeo ya matendo ya wanadamu. Adhabu ya wakanushaji, makafiri na maadui wa Mwenyezi Mungu ni Jahannamu ambayo wao wenyewe ndio sababu ya hatima kama hiyo. Kwa hiyo mtu hatakiwi na hawezi kumtoroka Mwenyezi Mungu au Siku ya Kiyama bali awe mwangalifu kuhusu matendo yake ili awe na mwisho mwema.
