IUMS inawahimiza Waislamu Kuunga mkono Gaza katika Ramadhani
Wito huo umetolewa katika taarifa ya kufunga mkutano wa umoja huo uliofanyika mjini Istanbul.
IUMS imesema msaada wa kifedha unahitajika kutoa chakula na dawa kwa wanawake, watoto na raia wengine katika Ukanda wa Gaza ambao wamekuwa wakikabiliwa na vita vya mauaji ya kimbari vya vinavoendeshwa na utawala katili wa Israel kwa himaya ya Marekani katika kipindi cha miezi kadhaa.
Umoja huo aidha umewataka Waislamu kuwaswalia kuwaomboa Dua watu wa Gaza na ushindi wa majeshi ya muqawama wa Palestina dhidi ya utawala wa Kizayuni wa Israel.
IUMS imelaani vita vya mauaji ya kimbari ya utawala huo ghasibu dhidi ya raia wasio na ulinzi huko Gaza na kuutaka Umma wa Kiislamu na watu mashuhuri duniani kufanya juhudi za kila namna ili kukomesha jinai hizo za Israel.
IUMS pia imetaka kufunguliwa tena kwa vivuko vyote vya mpaka ili kuruhusu kupeleka chakula na dawa kwa raia huko Gaza.
Israel ilianzisha vita vya kuua Gaza mnamo Oktoba 7, 2023. Kwa mujibu wa Wizara ya Afya ya Gaza, watu wasiopungua 31,045 wameuawa na 72,654 wamejeruhiwa katika mashambulizi ya Israeli. Takriban asilimia 72 ya wahasiriwa ni watoto na wanawake.
Aidha takriban 85% ya watu wa Gaza wameyakimbia makazi yao kutokana na mashambulizi ya Israel huku kukiwa na uhaba mkubwa wa chakula, maji safi na dawa, huku asilimia 60 ya miundombinu ya eneo hilo ikiharibiwa au kuharibiwa, kulingana na Umoja wa Mataifa.
Afrika Kusini imeishtaki Israel katika Mahakama ya Kimataifa ya Haki kutokana na jinai za Gaza, ambayo katika uamuzi wa muda wa mwezi Januari iliiamuru Tel Aviv kusitisha vitendo vya mauaji ya halaiki na kuchukua hatua za kuhakikisha kwamba misaada ya kibinadamu inatolewa kwa raia wa Gaza.
Ramadhani iliyoanza leo katika baadhi ya nchi za Kiislamu ni mwezi wa tisa wa kalenda ya Kiislamu. Ni kipindi cha sala, saumu, utoaji wa hisani na uwajibikaji kwa Waislamu duniani kote.
3487517
