Mashindano ya Qur’ani na Adhana ya Kimataifa huko nchini Ethiopia yanatarajiwa Kufanyika Jumatano

IQNA – Addis Ababa, mji mkuu wa Ethiopia, itakuwa mwenyeji wa mashindano ya Qur’ani na Adhana  ya kimataifa kuanzia Jumatano.

Wageni kutoka pande zote za dunia wanawasili Addis Ababa kushiriki katika mashindano hayo.

Tukio hili la heshima la siku tano linatoa duru ya pili ya Tuzo ya Mashindano ya Kimataifa ya Qur’ani Tukufu  na Adhana ya huko  Ethiopia.

 Zaidi ya washindani 100 kutoka nchi 60 wanatarajiwa kushiriki katika mashindano haya.

 Tukio hili pia linatarajiwa kuvutia washiriki na watazamaji kutoka duniani kote.

 Wengi wanatoa matumaini kuhusu mafanikio ya tukio hili, kwani linavutia nchi nyingi na watalii kwenda Ethiopia.

 Kwa kuzingatia nafasi ya Ethiopia kama kituo cha kibiashara na kidini, mashindano haya yatasaidia washiriki kutembelea vivutio vya kitalii nchini Ethiopia.

 Mashindano haya yameandaliwa na Jumuiya ya Qur’ani ya Zayd Ibn Thabit na Baraza Kuu la Masuala ya Kiislamu la Ethiopia.

Waandaaji wamesema kuwa wageni wanaoshiriki katika mashindano haya pia watatembelea vivutio mbalimbali vya kitalii nchini Ethiopia wakati wa ziara yao.

Rais wa Jumuiya ya Qur’ani ya Zayd Ibn Thabit na Mkuu wa Mashindano ya Qur’ani na Adhan ya Kimataifa ya Ethiopia, Dr. Nuredin Qasim, alionyesha kuwa washindani wawili wa kiume na mmoja wa kike kutoka Ethiopia wameteuliwa, pamoja na washindani kutoka Afrika, Mashariki ya Kati, Asia, na Marekani.

https://iqna.ir/en/news/3491644