Mashindano ya Kitaifa ya Kuhifadhi Qur’an yaanza Oman

IQNA – Mashindano ya kwanza ya kitaifa ya kuhifadhi Qur’an yenye kauli mbiu “Fa Istamasik: Shikamana na Qur’an” yameanza rasmi nchini Oman.

Shindano hili limeandaliwa kwa juhudi za Wizara ya Awqaf na Masuala ya Kidini ya nchi hiyo, kwa ushirikiano na Taasisi ya Wakfu ya Mustahil, kama ilivyoripotiwa na shabiba.com.

Mashindano yalianza Jumatatu (Desemba 15) na hatua ya awali itadumu kwa muda wa wiki mbili. Washiriki kutoka mikoa ya Muscat, Al Buraimi, Kaskazini Mashariki, Dakhiliyah na Dhofar wanashiriki katika mashindano haya.

Lengo kuu ni kurahisisha ushiriki katika mashindano ya Qur’an na kutoa fursa mwafaka yenye ushindani wa kiroho na kitaaluma ili kuonesha uwezo wa wahifadhi.

Jumla ya washiriki 347 wanaume na wanawake wanashiriki, ambapo wanaume ni 176 na wanawake 171.

Mashindano yamegawanywa katika makundi mawili:

• Kuhifadhi Qur’an nzima pamoja na tafsiri ya Surah Al-Baqarah.

• Kuhifadhi Qur’an nzima bila tafsiri.

Awamu ya kwanza inalenga kusisitiza umuhimu wa kushikamana na Kitabu cha Mwenyezi Mungu, kuonesha juhudi za Wizara ya Awqaf katika kuwaunga mkono wahifadhi wa Qur’an, na kuhamasisha makundi mbalimbali kuelekea kuhifadhi na kusoma Qur’an Tukufu. Hatua hii ni chachu ya kuimarisha maadili ya dini na kudumisha utambulisho wa Kiislamu.

4323270