Harakati ya Jihad ya Kiislamu Yahimiza Uhamasishaji kwa Waislamu Ulimwengu kote Kukabiliana na Utawala wa Israeli

TEHRAN (IQNA) - Mwakilishi wa harakati ya Jihad ya Kiislamu ya Palestina mjini Tehran alitoa wito kwa ulimwengu wa Kiislamu kukusanya nguvu zake zote ili kukabiliana na utawala wa Israel.

Akihutubia katika  kongamano lililopewa jina la Kimbunga cha  Al-Aqsa hadi Alfajiri ya Ukombozi, lililofanyika mjini Tehran siku ya Jumanne, Nasser Abu Sharif alisema tunashuhudia vita kubwa sana na vya kina katika Palestina inayokaliwa kwa mabavu ambavyo vinahitaji uungwaji mkono wa kila hali kutoka kwa Waislamu wote kwa ajili ya watu wa Palestina.

Alisema jinsi wakiristo walivyo na umoja, Waislamu nao wanapaswa kuungana kutetea haki zao.

Lazima tuhamasishe mamlaka yote, alisema na ameongeza kuwa tatizo la ulimwengu wa Kiislamu hivi leo ni watawala walio chini ya ushawishi wa Marekani na utawala wa Kizayuni.

Abu Sharif alibainisha kuwa, Ukanda wa Ghaza unashuhudia jinai dhidi ya binadamu, mauaji ya halaiki, mauaji ya watoto na wanawake na jinai nyingine zinazofanywa na utawala wa Kizayuni lakini nchi za Magharibi zimenyamaza kimya katika kukabiliana na ukatili huo.

Kwingineko katika matamshi yake, afisa huyo wa Islamic Jihad aliipongeza Operesheni ya Kimbunga cha  Al-Aqsa kuwa ni mafanikio ambayo yalisambaratisha taswira ya utawala wa Israel inayodaiwa kuwa madarakani.

Alisema ushindi katika operesheni ya kimbunga cha Al-Aqsa hiyo ulipatikana kwa baraka za Mwenyezi Mungu na unaweza kuendelea na kumcha Mwenyezi  Mungu, imani na uthabiti katika njia ya ukweli.

Ushindi huo umethibitisha kwamba Umma wa Kiislamu unahitaji mwamko wakati ambapo baadhi ya tawala katika eneo hilo ziko katika kutimiza malengo ya Marekani na Israel, Abu Sharif alisema zaidi.

Hakuna Anayeweza Kuzuia Upinzani Ikiwa Uhalifu wa Israel Utaendelea; Kiongozi Muadhamu Ayatollah Khamenei alisema;

Kongamano la Kutoka Kimbunga cha  Al-Aqsa Hadi Alfajiri ya Ukombozi liliandaliwa na naibu wa kitamaduni wa Kituo cha Kitaaluma cha Iran cha Elimu, Utamaduni na Utafiti (ACECR) ili kuhakiki mafanikio ya kijeshi, usalama na mengine ya Operesheni ya Kimbunga cha  Al-Aqsa.

Operesheni ya kimbunga cha Al-Aqsa iliyopangwa na harakati ya Hamas dhidi ya Israeli mwezi Oktoba 7 mwaka 2023.

Katika kukabiliana na hali hiyo, utawala wa Kizayuni ulianzisha kampeni ya mauaji na uharibifu katika Ukanda wa Ghaza.

Zaidi ya Wapalestina 2,800 wakiwemo wanawake na watoto wengi wameuawa na karibu 10,000 wamejeruhiwa katika mashambulizi ya anga ya Israel.

3485629