Mashindano ya 3 ya Kimataifa ya Qur’ani ya “Wa Rattil” yaanza kupitia Thaqalayn TV
Kipindi cha kwanza cha mashindano hayo kilirushwa usiku wa Jumatano, ikiwa ni usiku wa kwanza wa mwezi mtukufu wa Ramadhani.
Vipindi vingine vitaendelea kurushwa kupitia mtandao huo kila usiku wa Ramadhani saa 3:30 usiku kwa saa za Tehran, na vitarudiwa siku inayofuata saa 9:00 asubuhi kwa saa za Makka.
Ahmed Najaf, mtangazaji na mhariri wa kipindi hicho, alisema kuwa kila baada ya siku nane, kamati za majaji zitabadilishwa ili kutoa fursa zaidi kwa mabingwa na wataalamu wa Qur’ani kutoka nchi mbalimbali kushiriki katika tukio hili na kunufaika na uzoefu tofauti.
Kwa siku nane za mwanzo, kamati ya majaji inaundwa na: Sheikh Munir Aqla kutoka Syria Ahmed Abdul Hakim kutoka Misri , Ja‘far Al‑Alawi kutoka Iraq, na Sayyid Abbas Anjam kutoka Iran
Wakati huo huo, uongozi wa Thaqalayn TV umetangaza kuwa usajili wa hatua ya awali ya mashindano bado unaendelea kupitia tovuti ya http://thaqalayn.tv/
Washiriki wanaopenda wanatakiwa kutuma faili ya sauti ya usomaji wa Qur’ani kwa mtindo wa Tarteel, wakichagua moja ya kurasa zifuatazo za Qur’ani Tukufu:
ukurasa wa 60, 88, 125, 206 au 549.
Faili hizo zinapaswa kutumwa kupitia WhatsApp kwa nambari ifuatayo:
+989999914320
Televisheni ya Satelaiti ya Thaqalayn ni kituo cha kidini, Qur’ani na kitamaduni ambacho huzingatia masuala ya ulimwengu wa Kiislamu na Umma wa Kiislamu, kwa kutayarisha na kurusha vipindi mbalimbali vinavyolenga makundi tofauti ya jamii.
Kupitia uzalishaji wa vipindi vinavyojikita katika Qur’ani Tukufu na madrasa ya Ahlul‑Bayt (A.S.), kituo hiki kinalenga kufufua na kupanua utamaduni na elimu ya Kiislamu, pamoja na kuimarisha misingi ya familia ya Kiislamu ya kisasa, kwa mujibu wa mafundisho ya Uislamu, hususan kwa wanawake, watoto na vijana.
Televisheni ya Thaqalayn ulianzishwa kwa lugha ya Kiarabu katika mwezi wa Ramadhani mwaka 1430 Hijria (2008 Miladia).
/3496493
