IQNA

19:21 - September 27, 2020
News ID: 3473206
TEHRAN (IQNA)- Rais Abdel Fattah el Sisis wa Misri ameonya Jumapili kuhusu uchocheaji vurugu nchini humo huku maandamano dhidi ya serikali yakiripotiwa maeneo kadhaa nchini humo.

Amedai kuwa baadhi ya watu wanataka kutumia vibaya hali mbaya ya Wamisiri ili kuchochea vurugu.

Kwa akali watu wawili wameuawa huku makumi ya wengine wakijeruhiwa katika ghasia za maandamano ya wananchi wa Misri, wanaomtaka Rais Abdel Fattah al Sisi wa nchi hiyo ang'atuke madarakani.

Maafisa usalama walitumia risasi hai na mabomu ya kutoa machozi kuzima maandamano hayo ya wananchi hapo jana, yaliyopewa jina la 'Ijumaa ya Ghadhabu.'

Mbali na mji mkuu Cairo, maandamano hayo yameshuhudia pia katika miji na mikoa mbalimbali ya nchi hiyo ya kaskazini mwa Afrika, kama vile Giza, Damietta katika jimbo la Nile Delta na Luxor, kusini mwa nchi. Waandamanaji walisikika wakipiga nara dhidi ya Rais wa nchi hiyo na kuwataka raia wote kujiunga na maandamano hayo ambayo hii leo yameingia siku ya saba.

Duru za kiusalama zimedokeza kuwa, watu kadhaa wamekamatwa na maafisa usalama katika maandamano hayo yaliyogeuka na kuwa ya fujo jana Ijumaa, hususan jijini Cairo.

Makundi na jumuiya mbalimbali za kisiasa zimeapa kwamba zitaendeleza maandamano hayo hadi Misri 'itakapokombolewa' kutoka kwenye mikono ya maghasibu wa utawala ambao wamesema wamelisaliti taifa, kulidhalilisha jeshi na kuitumbukia nchi katika mikataba ya kifisadi.

Tangu aliposhika madaraka ya nchi kupitia mapinduzi ya kijeshi hapo mwaka 2013, Abdel Fattah al Sisi amekuwa akikandamiza harakati zote za wapinzani wa serikali akiungwa mkono au kunyamaziwa kimya na nchi za Magharibi hususan Marekani.

3472648

Tags: misri ، sisi ، vurugu
Name:
Email:
* Comment:
* captcha: