Siku ya Wazi ya Msikiti nchini Australia inalenga kukuza majadiliano na maelewano ya Kijamii
IQNA – Msikiti wa Minto (Masjidur Rahman Al-Jami’ee) uliopo New South Wales, Australia, imeandaa hafla maalum ya “Siku ya Wazi” siku ya Jumamosi, Agosti 15. Msikiti huu utafungua milango yake kwa jamii pana kwa ajili ya siku maalum iliyolenga huduma ya vijana, majadiliano ya dini tofauti, na kuimarisha maelewano katika jamii.
Programu hii ya maadhimisho ya miaka 40 ya Huduma ya Kidini ya Vijana (RYS), ambayo ni mradi wa Universal Peace Federation Australia, imeanza kuanzia saa 3:30 asubuhi hadi saa 10:30 jioni. Hafla hii inawakutanisha vijana, wanajamii, na viongozi wa kidini kutoka imani na asili mbalimbali za kitamaduni.
Siku hii imejumuisha shughuli za kijamii za vitendo kama vile usafi, utunzaji wa bustani, upandaji miti, na urembeshaji wa mazingira. Baada ya shughuli hizo, kutakuwa na chakula cha mchana, ushirika, na kongamano la kidini litakaloshirikisha viongozi wa dini mbalimbali. Washiriki watapata pia fursa ya kusikiliza uzoefu wa wahitimu wa RYS na vijana wengine kuhusu huduma, uongozi, na maelewano ya kijamii.
Msikiti wa Minto umekuwa ukihudumia jamii ya Kiislamu na jamii pana ya Macarthur kwa miongo kadhaa. Safari ya jamii ya Kiislamu ya eneo hili ilianza muda mrefu kabla ya msikiti wa sasa kuanzishwa. Mnamo mwaka 1991, Suburban Islamic Association ilipata na kuanzisha eneo ambalo likawa Msikiti wa Minto. Tangu wakati huo, msikiti umekuwa mahali muhimu pa ibada na kiunganishi cha jamii.
Unatoa huduma za sala tano za kila siku na sala maalum ya Ijumaa, huku pia ukitoa programu za kidini na kielimu kwa watoto na vijana. Mjumbe wa Baraza la Jiji la Campbelltown, Ashiqur (Ash) Rahman, aliipongeza hatua hiyo ya RYS na kutambua mchango mkubwa wa msikiti huo kwa jamii.
“Msikiti wa Minto ni moja ya sehemu za ibada za muda mrefu katika Campbelltown na umekuwa ukihudumia jamii yetu kwa miongo kadhaa,” alisema. “Zaidi ya kuwa mahali pa ibada, msikiti umekuwa ukikuza muungano wa kijamii, heshima ya pande zote, na jamii ya watu wa tamaduni mbalimbali yenye maelewano. Ni jambo la kufurahisha kuona Msikiti wa Minto ukiendeleza utamaduni huu kwa kuwakaribisha vijana na watu wa imani na asili tofauti kupitia programu ya maadhimisho ya miaka 40 ya RYS,” aliongeza Diwani Rahman.
3498637
