Mashindano ya Kimataifa ya Qur'ani ya Misri yapewa jina la Qari Sheikh Mustafa Ismail

TEHRAN (IQNA) - Waziri wa Wakfu wa Misri, Sheikh Mohamed Mukhtar Gomaa amesema Duru ya 29 ya Mashindano ya Kimataifa ya Qur'ani ya nchi hiyo limepewa jina la Qari bingwamarehemu Sheikh Mustafa Ismail.

Akizungumza katika mkutano wa Jumamosi na wanachama wa Jumuiya ya Wasomaji Qur'ani wa Misri katika Msikiti wa Imam Hussein (AS) mjini Cairo, alisema mashindano hayo yatafanyika Februari 2023.

Gomaa alisema wizara hiyo imechagua jina la Sheikh Mustafa Ismail kwa ajili ya tukio la Qur'ani la mwaka huu baada ya kushauriana na wataalamu wa Qur'ani.

Amesema jina hili linalenga kukumbuka qaris kubwa za zama za Dhahabu za usomaji wa Qur'ani wa Misri.

Pia alibainisha kuwa wizara hiyo imekusanya kiasi cha fedha taslimu kwa washindi wa shindano hilo, ambapo mshindi wa juu atarudi nyumbani na pauni 250,000 za Misri.

Toleo la 29 la mashindano ya kimataifa ya Qur'ani litaandaliwa katika vipengele vinane, vikiwemo vya kuhifadhi Qur'ani, usomaji na dhana za Qur'ani, Gomaa aliendelea kusema.

Sheikh Mustafa Ismail aliyezaliwa Juni 17,1905 katika eneo la Tanta jimboni Gharibia nchini Misri na alikuwa miongoni mwa wasomaji mashuhuri zaidi wa Qur'ani Tukufu nchini Misri.

Alikuwa na mtindo maalumu wa qiraa na aliweza kuwavutia wengi kutokana na usomaji wake. Qarii mashuhuri wa Misri katika zama hizi Sheikh Ahmed Ahmed Noaina amesema, "Mustafa Ismail alikuwa na mbinu kadhaa za qiraa na hadi sasa hakuna mtu aliyweza kuja na mbinu mpya baada yake.

Alianza kujifunza Qur'ani Tukufu na misingi ya Tajwidi kutoka kwa Sheikh Idris Fakhir. Alizana qiraa ya Qur'ani mbele ya hadhara kubwa akiwa na umri wa miaka 4 katika Msikiti wa Atif eneo la Tanta ambapo sauti yake iliwavutia wengi. Aliendeleza kipaji chake kwa kuelekea Cairo ambapo alikuwa mwanafunzi wa Qarii Sheikh Muhammad Rafa'at. Alipata umashuhuri na akaanza kualikwa katika nchi mbali mbali kusoma Qur'ani Tukufu kama vile Iraq, Indonesia, Saudi Arabia, Pakistan, Ujerumani, Palestina, Uingereza na Ufaransa.  Aidha alitunukiwa tunzo kadhaa kitaifa na kimataifa kutokana na umahiri wa qiraa yake ya Qur'ani Tukufu. Hatimaye Sheikh Mustafa Ismail aliaga dunia na kurejea kwa Mola wake mnamo Disemba 26, 1978.

4095477