Sheikh Mkuu wa Al-Azhar kukutana na Kiongozi Mkuu wa Kishia nchini Iraq

TEHRAN (IQNA) - Imamu Mkuu wa Kituo cha Kiislamu cha Al-Azhar nchini Misri Sheikh Ahmed al-Tayyeb anaripotiwa kupanga kusafiri kuelekea Iraq.

Wakati wa safari hiyo, anatazamiwa kukutana na kiongozi mkuu wa Waislamu wa madhehebu ya Shia nchini Iraq Ayatullah Seyed Ali al-Sistani.

Akizungumza mjini Cairo, Khalid Qandil, mjumbe wa Seneti ya Misri, alithibitisha habari hiyo

Qandil alisema wanazuoni hao wawili mashuhuri wa Kiislamu watakutana mwezi Julai, tovuti ya Baghdad al-Yawm iliripoti.

Amesisitiza umuhimu wa safari ijayo na mkutano huo, kwa kuzingatia hadhi ya chuo cha Kiislamu cha Najaf na Kituo cha Kiislamu cha Al-Azhar katika masuala ya kidini na kijamii na misimamo ya wastani katika ulimwengu wa Kiislamu.

Al-Azhar ni kituo kikubwa cha Kiislamu cha kituo cha elimu na chuo kikuu kinachohusishwa na Msikiti wa Al-Azhar. Ilianzishwa mwaka 972 na Ukhalifa wa Fatimiya kama kitovu cha mafunzo ya Kiislamu.

 4138785