Maonyesho ya "Misikiti katika Uislamu" Yafanyika Paris

IQNA – "Misikiti katika Uislamu" ni jina la maonyesho ya sanaa yaliyozinduliwa katika Msikiti Mkuu wa Paris, mji mkuu wa Ufaransa.

Maonyesho haya yanawasilisha picha na michoro ya misikiti kutoka mataifa mbalimbali, kazi ambazo zimechorwa na msanii wa Algeria, Dalil Saci.

Hafla ya uzinduzi ilihudhuriwa na Chems-Eddine Hafız, msimamizi wa Msikiti Mkuu wa Paris, pamoja na wageni wengine wengi wa heshima.

Maonyesho haya, ambayo yataendelea hadi mwisho wa mwezi huu, yanajumuisha jumla ya kazi 31 za sanaa. Kila kazi inaonyesha misikiti maarufu kutoka nchi kama Malaysia, Qatar, Algeria na Ufaransa, na zinajulikana kwa matumizi ya rangi zenye mvuto na uzuri wa kipekee.

Aidha, kuna video maalum inayowasilisha kazi nyingine za Dalil Saci kama sehemu ya maonyesho hayo.

Saci alisema: “Kwangu mimi, misikiti ni urithi wa thamani isiyo na kifani. Natamani kuchangia katika kuuenzi urithi huu adhimu.”

3495035