Maandamano baada ya ubomoaji wa Msikiti wa Miaka 1200 nchini India

IQNA – Kubomolewa Msikiti wa miaka 1,200 Dargah (makaburi matakatifu ya Waislamu),  katika wilaya ya Gir Somnath, Gujarat ya India kumeibua maandamano makubwa.

Kubomolewa kwa eneo hilo takatifu kumezua utata na madai ya kukiuka agizo la Mahakama ya Juu.

Kulingana na Huduma ya Vyombo vya Habari vya Kashmir, ubomoaji huo ambao ulifanyika mnamo Septemba 28.

Bomoabomoa hiyo hiyo, imedaiwa kulenga "ujenzi haramu" ili kuwezesha Mradi wa Maendeleo ya Somnath. Wakuu wa jiji wametumia mamia ya maafisa wa polisi na mashine nzito, kutia ndani matrekta 52, tingatinga 58 na winchi mbili.

Walakini, wakosoaji wanahoji kuwa ubomoaji huo ulikaidi agizo la muda la Mahakama ya Juu mnamo Septemba 17, lililoelekeza kutobomolewa bila idhini ya mahakama.

Wakili wa Mahakama ya Juu Anas Tanwir alilaani kitendo hicho, akisema, "eneo hilo lilijengwa miaka 1,200 iliyopita na limebomolewa na Serikali ya Gujarat ... kwa kukaidi amri ya Mahakama Kuu."

Tukio hilo limezua maandamano, huku zaidi ya watu 150 wakizuiliwa, wakiwemo wajumbe wa kamati ya msikiti.

3490080