Mshiriki wa Palestina Katika Mashindano ya MTHQA Asema Alihifadhi Qur’ani asimulia kuhusu wazazi wake

IQNA – Jenan Nabil Mohammed Nofal ni hafidha wa Qur’ani Tukufu anayewakilisha Palestina katika Mashindano ya 65 ya Kimataifa ya Usomaji na Uhifadhi wa Qur’ani yanayofanyika nchini Malaysia.

Jenan ni miongoni mwa washiriki wanane wa kipengele cha hafazan (uhifadhi wa Qur’ani) waliotoa usomaji wao siku ya Jumatatu katika Ukumbi wa Biashara wa Dunia, Kuala Lumpur, ambako mashindano ya MTHQA yanaendelea.

Kwa Jenan, mwanafunzi mwenye umri wa miaka 24, mashindano haya ni mara yake ya kwanza kushiriki katika jukwaa la kimataifa.

Anasoma katika Madrasah ya Nur liTajweed wa Tahfiz Al-Qur’an iliyopo Qalqilya, takribani kilomita 20 kutoka mji mtukufu wa Al-Quds (Jerusalem).

Kupitia mkalimani, Jenan alisema kuwa alikuwa akihifadhi angalau Juzuu tano hadi kumi za Qur’ani kila siku.

“Nilianza kuhifadhi Qur’ani nikiwa na umri mdogo ili niwafurahishe wazazi wangu,” alisema Jenan, ambaye ni mtoto wa mwisho kati ya ndugu watano.

Washiriki wengine wa hafazan ni:

• Moussa Ayouba Idrissa kutoka Niger

• Abdulkadir Yusuf Mohamed (Somalia)

• Mohammad Yahya Al Zahabi (Lebanon)

• Isha Sowe (Gambia)

• Dzhalil Nurutdinov (Urusi)

• Md Fazle Rabby (Bangladesh)

• Seyma Yildirim (Uturuki)

Mashindano haya ya MTHQA yenye kaulimbiu: “Kujenga Ummah wa MADANI” yanafanyika kuanzia Agosti 2 hadi 9, na yanawahusisha zaidi ya washiriki 70 kutoka kote duniani.

/3494129/