Mwakilishi wa Iran aridhika na Mashindano ya Kimataifa ya Qur’an ya Jordan
Hafidh hiyo wa Qur'ani ameyasema hayo akiwa Amman, mji mkuu wa Jordan, kwa ajili ya mashindano hayo ya Qur'ani. Zamu yake ya kupanda jukwaani ilifika Jumamosi asubuhi na alijibu maswali kutoka kwa jopo la waamuzi. Khani Bidgoli baadaye aliliambia IQNA kuhusu utendaji wake:
"Kwa bahati nzuri, nilifanya vizuri na nikajibu maswali ya waamuzi bila makosa au ukumbusho." Akirejelea ushindani mkali miongoni mwa washiriki wa tukio hili la Qur'ani, aliongeza kuwa hadi sasa, washiriki wengi wamejibu maswali ya waamuzi bila tatizo. Kikao cha 32 cha Mashindano ya Kimataifa ya ya Kuhifadhi na Kusoma wa Qur'ani Tukufu katika Ufalme wa Hashimi wa Jordan kwa wanaume kilianza Alhamisi katika Kituo cha Utamaduni wa Kiislamu kwenye Msikiti wa Mfalme Abdullah I huko Amman.
Wenye kuhifadhi Qur'ani kutoka zaidi ya nchi 50 wanashiriki katika mashindano haya. Jopo la waamuzi linajumuisha wataalamu wanne wa Qur'ani kutoka nchi mwenyeji pamoja na mmoja kutoka Saudi Arabia na mmoja kutoka Misri. Mashindano yataendelea kwa wiki moja, huku sherehe ya kufunga ikipangwa kufanyika siku ya 26 ya mwezi mtukufu wa Ramadhani.
3492473
