Al Azhar: Ni Haramu kwa wanaougua Corona kushiriki katika Sala ya Jamaa

TEHRAN (IQNA) – Kituo cha Kiislamu cha Al Azhar nchini Misri kimetangaza kuwa ni haramu kwa wale wanaofahamu kuwa wanaugua ugonjwa wa COVID-19 maarufu kama Corona kushiriki katika sala za jamaa misikitini.

Kwa mujibu wa tovuti ya Al-Mesriyoon, Osama al-Hadidi, Mkurugenzi wa Kituo cha Kimataifa cha Fatwa cha Al Azhar, amesema wanaougua Corona wanaharamishwa kuhudhuria katiak Sala ya Ijamaa ili kuzuia mgonjwa kuwaambukiza waumini ugonjwa huo hatari.

Kuhusu uwezekano wa kupigwa marufuku kwa muda sala ya ijumaa au sala za jamaa misikitini nchini Misri, amesema uamuzi utachukuliwa baada ya ushauri kutoka kwa wataalamu.

Aidha amesema Al Azhar itaisaidai wizara ya afya Misri katika kuudhibiti ugonjwa wa Corona.

Idadi ya walioambukizwa Corona hadi sasa nchini Misri imefika 55.

3883722