Saudi Arabia yasema Kadi ya Nusuk itawezesha harakati za Mahujaji

IQNA – Saudi Arabia imezindua kadi ya Nusuk siku ya Jumanne, ikisema kwamba itawezesha harakati za Mahujaji wote katika maeneo matakatifu.

Pia inatoa idadi ya huduma ambazo pia zinaweza  kupatikana kupitia programu ya Tawakkalna, Asharq al-Awsat iliripoti Alhamisi.

Nusuk hutumika kama kadi ya utambulisho kwa Mahujaji. Ni jukwaa pana linaloruhusu mtumiaji kusajili data yake ya kibinafsi na ya afya na taarifa nyingine muhimu. Mtumiaji pia anaweza kufaidika na safu pana ya huduma, ripoti inasema.

Mtumiaji anaweza kupokea kadi kupitia ofisi za Hija  baada ya kupata kibali cha kutekeleza ibada ya Hija.

Nusuk inaruhusu mtumiaji kupata huduma tofauti, kama vile maeneo ya malazi na usafiri. Pia hutoa taarifa kuhusu maeneo ya kihistoria, kiutamaduni na Kiislamu.

Zaidi ya hayo, inaruhusu wafanyakazi wanaohusika katika Hija kukidhi mahitaji ya na kuwahudumia mahujaji.

Waziri wa Hija na Umra Saudia Dk. Tawfiq bin Fawzan Al-Rabiah alikuwa Indonesia ambako alikabidhi kadi ya kwanza ya Nusuk kwa Waziri wa Masuala ya Kidini Yaqut Qoumas.

Pia alikutana na viongozi wakuu, wakuu wa makampuni na wawekezaji ili kujadili fursa zilizopo za kuinua huduma zinazotolewa wakati wa Hija.

3488176