Mitazamo miwili ya Qur'ani Tukufu kuhusu Mayahudi
Qur'ani Tukufu ina misimamo miwili juu ya Mayahudi. Moja ni kuhusu wale Mayahudi wanaomwamini Mungu Mmoja na Siku ya Kiyama na wakatenda mema na wao ni miongoni mwa “Watu wa Kitabu”.
Kundi jingine ni wale Mayahudi wasiomuamini Mwenyezi Mungu na Siku ya Kiyama na wanaopanga njama dhidi ya Uislamu. Kwa hakika, hawa ni Mayahudi waliotajwa katika Aya zinazozungumzia sifa mbaya za Mayahudi.
Katika Surah Al Imran, Mwenyezi Mungu anabainisha kuwa watu wote wa Kitabu si sawa. Sura inabainisha sifa nzuri za kundi la watu wa kitabu, kama vile kumtii Mwenyezi Mungu, kusoma kitabu cha Mwenyezi Mungu, kusujudu, kuamrisha mema na kukataza maovu, na kuharakisha kutenda mema.
“Wote hao si sawa sawa. Miongoni mwa Watu wa Kitabu wamo watu walio simama baraabara, wanasoma Aya za Mwenyezi Mungu nyakati za usiku, na pia wanasujudu. Wanamuamini Mwenyezi Mungu na Siku ya Mwisho, na wanaamrisha mema na wanakataza maovu na wanakimbilia katika mambo ya kheri. Na hao ndio miongoni mwa watenda mema.” (Surah Al Imran, Aya ya 113-114)
Hata katika Surah Al-Ma’idah, katika aya zinazozungumzia uvunjaji wao wa ahadi na madhambi yao makubwa, imebainishwa kuwa kuna kundi la wastani miongoni mwao.
“ Na lau kuwa wangeli ishika Taurati na Injili na yote waliyo teremshiwa kutokana na Mola wao Mlezi, basi hapana shaka wangeli kula vya juu yao na vya chini ya miguu yao. Wapo watu miongoni mwao walio sawa, lakini wengi wao wanayo yafanya ni mabaya mno.” (Aya ya 66 ya Surah Al-Ma’idah)
Aya hii inainua hadhi ya Taurati na Injili, ikisisitiza kwamba kutenda kwa mafundisho yao kunaleta baraka kutoka duniani na mbinguni.
Katika aya nyingine katika Sura Al-Maidah (Aya ya 44), Mwenyezi Mungu anaielezea Taurati kuwa ni chanzo cha Mwongozo: “Hakika Sisi tuliteremsha Taurati yenye uwongofu na nuru, ambayo kwayo Manabii walio nyenyekea Kiislamu, na wachamngu, na wanazuoni, waliwahukumu Mayahudi; kwani walikabidhiwa kukihifadhi Kitabu cha Mwenyezi Mungu. Nao wakawa ni mashahidi juu yake."
Lakini wakati huohuo aya za Sura Al-Maidah (41-88) zinakazia madhambi makubwa ya kundi la pili la Wayahudi walioshindwa kushika TArati na hata kupotosha mafundisho yake.
Kundi hili hatimaye likaanzisha urafiki na makafiri: “Unawaona wengi wao wakiwafanya makafiri kuwa waongofu. (Aya ya 80 ya Surah Al-Ma’idah)
Ndio maana Mwenyezi Mungu anasema kwamba kundi hili la Mayahudi pamoja na waabudu masanamu ni maadui wakubwa wa Waislamu: “Utakuta kwamba walio wengi katika uadui kwa Waumini ni Mayahudi na washirikina. (Aya ya 82 ya Surah Al-Ma’idah)
3488374
