Washindi wa Mashindano ya Kimataifa ya Qur'ani ya Uingereza watunukiwa

IQNA - Sherehe imefanyika nchini Uingereza kutangaza na kuwatunuku washindi wa mashindano ya kimataifa ya Qur'ani Tukufu.

Mashindano ya Habib ul-Quran yaliandaliwa katika mji wa Batley huko West Yorkshire, Uingereza, kuanzia Oktoba 31 hadi Novemba 3.
Washiriki kutoka nchi mbalimbali kama vile Uingereza, Hispania, Nigeria, Bangladesh, Misri, Pakistani, Indonesia, Morocco na Algeria, walishindana ana kwa ana na mtandaoni katika makundi kadhaa, ikiwa ni pamoja na kuhifadhi (viwango tofauti) na qiraa iliyojumuisha, mitindo saba ya qiraa
Katika kategoria ya kuhifadhi Qur'ani nzima, Ilyas Mulla kutoka nchi mwenyeji alitwaa tuzo ya juu zaidi.
Mshindi wa juu katika mitindo saba ya qiraa alikuwa Bukhari Sanusi Idris kutoka Nigeria.
Na katika kategoria ya qiraa, Mmisri Ahmed al-Sayyid al-Qaytani alitangulia.
Al-Qaytani, 23, alisema alifurahi sana kumaliza mshindi wa juu na kuifanya nchi yake kujivunia.
Alibainisha kuwa ameshinda tuzo katika matukio mengine ya kimataifa ya Qur'ani yakiwemo yale ya Iran, Misri na Qatar.
Alisema alianza kuhifadhi Quran akiwa na umri wa miaka mitano na baadaye akajifunza kusoma Kitabu hicho Kitukufu.
Baba yake Al-Qaytani pia ni hafidh wa Qur'ani  na anafanya kazi katika Redio ya Qur'ani ya Misri.