UN yataka UN iteue mjumbe maalumu wa kukabiliana na chuki dhidi ya Uislamu

IQNA – Uturuki imeutaka Umoja wa Mataifa (UM) kuteua mjumbe maalum wa kupambana na chuki dhidi ya Uislamu au Islamofobia, ikisisitiza haja inayoongezeka ya kukabiliana na kauli na vitendo vya chuki na ubaguzi dhidi ya Waislamu.

Akizungumza katika kikao cha ngazi ya juu cha Baraza la Haki za Binadamu la Umoja wa Mataifa huko Geneva, Naibu Waziri wa Mambo ya Nje wa Uturuki, Mehmet Kemal Bozay, alieleza juu ya uhasama unaoongezeka unaowakumba Waislamu duniani kote.

Amesema: "Chuki dhidi ya Uislamu, ubaguzi wa rangi, chuki dhidi ya raia wa kigeni, ubaguzi, na hotuba za chuki kutoka kwa makundi ya mrengo wa kulia zinaongezeka. Karibu kila siku kuna uhasama na ukiukaji wa haki za msingi za Waislamu, ikiwa ni pamoja na mashambulizi dhidi ya maisha yao, misikiti yao, na Qur'an Tukufu," Bozay alisema, kama ilivyoripotiwa na Daily Sabah.

Alikiri kwamba maazimio ya hivi karibuni ya Umoja wa Mataifa yanayofafanua uchomaji wa vitabu vitakatifu kama kitendo cha chuki ya kidini ni hatua muhimu, lakini akasisitiza kuwa hatua zaidi zinahitajika.

"Mjumbe maalum wa Umoja wa Mataifa wa kupambana na Uislamofobia anapaswa kuteuliwa hivi karibuni," aliongeza.

Kwa mujibu wa ripoti, Ulaya Magharibi ilishuhudia zaidi ya matukio 500 ya kuchomwa kwa nakala za Qur'ani Tukufu mnamo 2023, yakihusiana na kuongezeka kwa harakati za mrengo wa kulia ambazo zimepata nguvu za kisiasa katika nchi kama Ujerumani, Italia, na Austria.

3492034