Maonesho ya Kimataifa ya Qur'ani ya Mashhad Yatazinduliwa Machi 3

 IQNA – Toleo la 18 la Maonesho ya Kimataifa ya Qur'ani ya Mashhad, kaskazini mashariki mwa Iran yatafunguliwa katika mji huo mtukufu mnamo Machi 3.

Hamid Samadi, Mkuu wa Masuala ya  Qur'ani na Etrat katika Idara ya Utamaduni na Muongozo wa Kiislamu katika mkoa Khorasan Razavi, alitoa tangazo hilo, akiongeza kuwa maonesho hayo yalipangwa kuzinduliwa Februari 27 lakini yalichelewa kutokana na baridi kali.

Tukio hilo la Qur'ani litafanyika katika Kituo cha Mikutano cha Bab al-Jawad (AS) cha Haram Takatifu ya Imam Ridha (AS), alisema.

Samadi aliongeza kuwa yatafanyika kuanzia Machi 3 hadi 10, kutoka saa 1 usiku hadi saa 5 usiku.

Pia alisema kuwa vibanda 120 vinatarajiwa kuwekwa kwenye maonesho, akiongeza kuwa ikiwa kutakuwa na mahitaji ya vibanda zaidi, idadi itaongezwa.

Maonesho haya huandaliwa kila mwaka huko Mashhad wakati wa mwezi mtukufu wa Ramadhani.

Maonesho ya Qur'ani kama hayo huandaliwa wakati wa Ramadhani katika miji mingine ya Iran kila mwaka. Yanajumuisha Maonesho ya Kimataifa ya Qur'ani ya Tehran, ambayo yanalenga kukuza dhana za Qur'ani na kuendeleza shughuli za Qur'ani.

Maonyesho hayo yataonyesha  mafanikio mapya katika uga wa Qur'ani Tukufu nchini Iran pamoja na bidhaa mbalimbali zilizojitolea kwa ajili ya kukuza Kitabu Kitukufu.

Mwaka huu, mwezi wa kufunga unatarajiwa kuanza Machi 1 au 2, kulingana na kuonekana kwa mwezi mwandamo wa Ramadhani.

 3492052