Saudi Arabia yaanzisha kampeni ya kukabiliana na utapeli katika Hija

IQNA – Mamlaka za Saudi Arabia zimewakamata raia watano wa kigeni huko Khamis Mushayt, katika mkoa wa Asir kusini mwa nchi, kwa kuhusika na mpango wa kuwatapeli Mahujaji.

Watuhumiwa hao, waliotambulika kuwa ni raia wanne wa Bangladesh na mmoja wa Sudan, walikamatwa baada ya uchunguzi na baadaye kupelekwa katika Ofisi ya Mwendesha Mashtaka.

Kulingana na maafisa, kundi hilo lilitumia mitandao ya kijamii kutangaza ahadi za uongo kuhusu huduma za malazi na usafiri ndani ya maeneo matakatifu ya Makka.

Matangazo haya ya udanganyifu yalikuwa siyo tu tishio la kifedha kwa Mahujaji wasio na hatia, bali pia yalihatarisha kuongeza changamoto za kimipangilio wakati wa msimu wa Hija, kipindi ambacho tayari kinakuwa na msongamano mkubwa wa watu.

Mamlaka zilisema kuwa operesheni kama hizi zisizoidhinishwa zinaharibu heshima na usahihi wa ibada ya Hija na kuhatarisha usalama wa waumini. Mwaka 2024, idadi kubwa ya watu, wakiwemo Mahujaji wasiokuwa na vibali, walifariki kutokana na joto kali huko Makka, jambo linaloonesha hatari ya kushiriki ibada bila udhibiti wa kisheria.

Usalama wa Umma wa Saudi Arabia ulihimiza umma kutumia tu watoa huduma walioidhinishwa na kutoa taarifa kuhusu matangazo yoyote ya kutiliwa shaka.

3492943