Iran yaanza maandalizi ya Hija ya mwaka ujao
Tangazo hili lilitolewa katika kikao cha baraza hilo kilichofanyika mjini Tehran siku ya Jumanne, chini ya uenyekiti wa Hujjatul Islam Seyed Abdol Fattah Navab, ambaye ni mwakilishi wa Kiongozi Muadhamu wa Mapinduzi ya Kiislamu katika masuala ya Hija na Ziara.
Katika kikao hicho, naibu mkuu wa shirika hilo, Akbar Rezaei, alieleza kuwa ratiba ya usajili wa awali na namna ya kupokea stakabadhi kutoka kwa waombaji imechunguzwa, na mipango inaendelea kufanywa kwa mujibu wa tathmini hiyo.
Pia kulikuwa na majadiliano kuhusu kuanza kwa safari za Umrah mapema mwezi huu, ambapo maafisa walibainisha kuwa Wairani wapatao 5,000 tayari wamepelekwa Saudi Arabia kwa ajili ya Umrah katika msimu mpya.
Alireza Bayat, Mkuu wa Shirika la Hija na Ziara, alisisitiza kuwa jukumu kuu la shirika hilo ni kutoa huduma bora zaidi na kuhakikisha mahujaji wanaridhika.
Aliongeza kuwa katika safari za Umrah, kuna vifurushi vipya vinavyotarajiwa kwa siku maalum kama vile Ramadhani, ambavyo vitatangazwa kwa wakati ufaao.
Zaidi ya mahujaji 86,000 kutoka Iran walihudhuria Hija ya mwaka huu mwezi Juni.
Umrah ni ibada ya ziara ya hiari (Mustahab) kwenda Makka ambayo Muislamu anaweza kuitekeleza wakati wowote wa mwaka, tofauti na Hija ambayo ni wajibu kwa kila Muislamu mwenye uwezo wa kimwili na kifedha mara moja tu katika maisha yake, na hufanyika katika siku za mwanzo za mwezi wa Hijria wa Dhul-Hijjah.
3494460
