Mashindano ya Qur’ani ya vijana yazinduliwa Cape Town

IQNA – Cape Town nchini Afrika Kusini inaandaa mashindano ya tano ya Qur’ani kwa vijana.

Duru ya awali ya shindano hilo ilianza jijini Jumamosi, Map Express iliripoti.

Mashindano hayo yameandaliwa na Taasisi ya Mohammed VI yenye makao yake makuu nchini Morocco ya Maulamaa wa Afrika.

Jumla ya wanaume na wanawake 19 wanashindana katika kuhifadhi Qur’ani na  Tarteel.

Washindi watafuzu kwa Toleo la Tanao la Mashindano ya Qur’ani ya Vijana wa Afrika.

Hatua ya awali ya mashindano hayo inaendelea katika nchi tofauti za Afrika tangu Aprili 19 na itakamilika Mei 20.

Washindani ni wahifadhi wa Qur'ani ambao wana ustadi wa kusoma Qur'ani na Tarteel.

Taasisi hiyo inasema mashindano hayo yanalenga kukuza utamaduni wa kuhifadhi na kusoma Qur'ani miongoni mwa vijana wa Kiislamu barani Afrika.

Pia ni fursa ya kubainisha vipaji vya Qur'ani miongoni mwa vijana.

Wakfu wa Mohammed VI wa Ulamaa wa Kiafrika, kulingana na waanzilishi wake, wenye makao yake makuu nchini Morocco, ni taasisi ya kidini ya Kiislamu inayotaka kuzuia itikadi kali na kukabiliana na malumbano ya kimadhehebu ndani ya Uislamu.

Lengo la msingi ni kuunganisha na kuratibu juhudi za wanazuoni wa Kiislamu kutoka Morocco na nchi nyingine za Kiafrika ili kuunganisha maadili ya Kiislamu ya uvumilivu.

Pia inalenga kuwezesha hatua za kielimu, kisayansi na kitamaduni kwa kuwaleta pamoja wanazuoni wa Kiislamu kutoka duniani kote ili kuhimiza uanzishwaji wa vituo vya kidini, kisayansi na kitamaduni na kufanya kazi kuelekea kufufua urithi wa pamoja wa Kiafrika, wa kitamaduni wa Kiislamu.

3488306