Washindi wa Mashindano ya 5 ya Qur'ani ya Kimataifa ya Wanazuoni wa Kiafrika

IQNA –Mashindano ya 5 ya Qur’ani ya Mohammed VI kwa ajili ya Maulamaa wa Kiafrika (wasomi) yamefungwa Fes, Morocco, kwa washindi kutangazwa.

Mashindano hayo yalianza Ijumaa, Septemba 27, na kuhitimishwa Jumapili, Septemba 29.

Wawakilishi kutoka nchi 48 za Afrika walishiriki mtandaoni, huku jopo la majaji, lililojumuisha wataalamu kutoka Morocco na mataifa mengine ya Afrika, likiwatathmini washindani hao ana kwa ana katika jiji la Morocco.

Katika kategoria ya "Kuhifadhi Qur’ani na Tarteel," kulingana na Warsh kutoka kwa simulizi la Nafi, Sheikh Al-Nia Abdudaim kutoka Mauritania alipata nafasi ya kwanza akifuatiwa na mwakilishi wa Nigeria na Osama Zongo wa Burkina Faso.

Katika kitengo cha "Kuhifadhi Qur’ani Tukuf Kikamilifu kwa Masimulizi Tofauti", Abdulrahman Yasin kutoka Uganda alishinda nafasi ya kwanza, huku Mohamed Ibrahim Ahmed kutoka Somalia na Shouthi Shebel bin Shabir kutoka Mauritius akichukua nafasi za pili na tatu mtawalia.

Kwa kategoria ya Tajweed na kuhifadhi Juzuu Tano, Mody Yuri Martino kutoka Angola alishinda nafasi ya kwanza. Nafasi za pili na tatu zimechukuliwa na Mohamed Al-Bashir Niang kutoka Senegal na Abdul Fattah Ali kutoka Afrika Kusini.

 4239912