Washindi wa Mashindano ya Kimataifa ya Qur'ani ya Zambia watunukiwa

IQNA - Washindi wa mashindano ya kimataifa ya Qur'ani nchini Zambia walitunukiwa katika sherehe mwishoni mwa juma.

Makala ya 13 ya mashindano ya nchi hiyo ya Kiafrika kuhusu kuhifadhi Qur'ani na Tajweed yalifanyika katika mji mkuu wa Lusaka wiki iliyopita.

Wahifadhi wa Qur'ani kutoka nchi mbalimbali walishiriki katika hafla hiyo ya Qur'ani.

Hafla ya kutunuku tuzo hiyo ilifanyika katika Chuo Kikuu cha Kiislamu cha Lusaka huku baadhi ya viongozi wa kidini wakihudhuria.

Waliokuwepo ni pamoja na Sheikh Yusuf Ibrahim, rais wa chuo kikuu, na Abdul Muhsin bin Muhammad al-Qassim, imamu anayeswalisha katika Msikiti wa Mtume huko Madina.

Katika hotuba, al-Qassim alishukuru juhudi za waandaaji na walimu ambao wanafanya bidii katika kuendeleza kuhifadhi Qur'ani miongoni mwa vijana.

Aliwataka washiriki wa shindano hilo kuendelea kujifunza Qur'ani waendelee kujitolea kufanyia kazi mafundisho yake.

Zambia ni nchi isiyo na bandari kusini mwa Afrika na majirani zake ni Jamhuri ya Kidemokrasia ya Kongo upande wa kaskazini, Tanzania upande wa kaskazini-mashariki, Malawi kwa mashariki, Msumbiji upande wa kusini mashariki, Zimbabwe na Botswana upande wa kusini, Namibia upande wa kusini-magharibi. na Angola upande wa magharibi.

Lugha rasmi ya nchi ni Kiingereza na chini ya asilimia moja ya wakazi wake ni Waislamu.

4239789