Qari mwenye ulemavu wa macho asema Qur'ani Ilimpa 'Amani ya Ndani'
Alireza Khodabakhsh, Mhifadhi wa Qur'ani kutoka Sabzevar katika Mkoa wa Khorassan Razavi nchini Iran, ameeleza matarajio na safari yake kama mshiriki wa fainali katika Mashindano ya 47 ya Kitaifa ya Qur'ani.
Akizungumza na IQNA pambizoni mwa mashindano hayo huko Tabriz, Khodabakhsh amesisitiza kuwa lengo lake kuu ni kuendeleza mafundisho ya Qur'ani.
"Hii ni mara yangu ya kwanza kushiriki katika mashindano haya, na ninatumai kuwa mjumbe wa neno la Mwenyezi Mungu, haswa katika katika uga wa kuhifadhi Qur'ani," alisema.
Khodabakhsh, ambaye alihifadhi Qur'ani kwa kusikiliza na kutumia maandishi ya Qur'ani ya nukta nundu au Braille, alianza safari yake katika miaka yake ya shule ya upili.
Akitafakari juu ya athari za Qur'ani Tukufu, alisema, "Ushawishi mkubwa zaidi wa Qur'ani Tukufu katika maisha yangu umekuwa kupata amani ya ndani na uhakikisho wa kiroho."
Akiwa ametiwa moyo na wanafamilia na jamaa anayehusika katika shughuli za Qur'ani, Khodabakhsh anasifu mafanikio yake katika taaluma, ikiwa ni pamoja na mitihani ya kujiunga na chuo kikuu, kwa jitihada zake za Qur'ani. “Msaada nilioupata uliniwezesha kufaulu katika masomo yangu na safari yangu ya kiroho,” alisema.
Khodabakhsh ana shahada ya kwanza katika Fasihi ya Kiarabu kutoka Chuo Kikuu cha Tehran.
Alikamilisha uhifadhi kamili wa Kurani kwa muda wa miaka miwili, kuanzia 2016.
Pamoja na kuhifadhi aliboresha ustadi wake wa qiraa kwa kusikiliza rekodi za qari mashuhuri Sheikh Muhammad Siddiq Al-Minshawi na kusoma maqamat (njia za sauti), pamoja na Nahawand.
“Baraka za Qur’ani katika maisha yangu hazihesabiki,” alibainisha na kuongeza kuwa ukuaji wa kiroho, kuridhika kwa Mwenyezi Mungu, na kupata ridhaa ya Ahlul-Bayt (AS) ni miongoni mwa thawabu kubwa alizopata kupitia juhudi zake za Qur’ani.
Khodabakhsh aliangazia changamoto zinazowakabili wahifadhi na wasomaji Qur'ani, hususan ukosefu wa uungwaji mkono wa kutosha wa kitaasisi.
"Kwa bahati mbaya, maofisa wanaamini kuwa wajibu wao katika kukuza Qur'ani unaishia kwa kufanya mashindano na kutoa thawabu ndogo," alilaumu.
Mashindano ya 47 ya Kitaifa ya Qur'ani yanayoendelea mjini Tabriz, ni moja ya matukio mashuhuri zaidi ya Qur'ani ya Iran.
Washiriki kutoka kote nchini hushindana katika kategoria mbalimbali, ikiwa ni pamoja na kukariri na kukariri. Mashindano hayo yaliyoandaliwa na Jumuiya ya Masuala ya Awqaf na Misaada ya Iran, yanalenga kukuza utamaduni wa Qur'ani na kubainisha nafasi ya mafundisho ya Mwenyezi Mungu katika jamii.
3491041
