Wafanyaziara washiriki ibada katika Usiku wa Laylat Al-Raghaib katika Haram Takatifu za Karbala

IQNA – Idadi kubwa ya wafanyaziara walikusanyika katika eneo la Bayn al-Haramayn huko Karbala usiku wa Alhamisi ya kwanza ya mwezi wa Rajab, ikifanana na Laylat al-Raghaib, inayojulikana pia kama Usiku wa Matamanio.

Mji mtakatifu wa Karbala ulipokea idadi kubwa ya wafanyaziara katika usiku huu wa baraka.

Wafanyaziara walionesha heshima yao kwa Ahl al-Bayt (familia ya Mtume Muhammad) wakati wa kuadhimisha tukio hili, Al-Kafeel aliripoti.

Kumbukumbu hii pia ilifanana na siku za kuzaliwa za Maimamu wawili wanaoheshimika, Imam Baqir (AS) na Imam Hadi (AS), ambazo huadhimishwa katika siku za mwanzo za Rajab. Hili liliongeza anga la kiroho katika tukio hilo.

Haram takatifu za Imam Hussein (AS) na Hazrat Abbas (AS) zina mipango kabambe ya kuhudumia na kukidhi mahitaji ya wafanyaziara wakati wa mwezi wa Rajab.

Laylat al-Raghaib, au Usiku wa Matamanio, huadhimishwa usiku wa Alhamisi ya kwanza ya Rajab, mwezi wa saba katika kalenda ya Kiislamu.

Ni usiku wa maombi maalum na dua, inaaminika kuwa ni wakati ambapo Allah anatoa rehema na baraka zake kwa wale wanaotafuta radhi zake.

Usiku huu unaashiria mwanzo wa miezi mitatu mitakatifu ya Rajab, Sha'ban, na Ramadhani na unachukuliwa kama wakati wa upya wa kiroho na tafakari.

/3491314/