Karbala: Kikao Maalum Cha Qur'ani katika Haram ya Imam Hussein (AS)

IQNA – Kikao  maalum cha Qur'ani kimefanyika katika Haram ya Imam Hussein (AS) huko Karbala, Iraq na kuhudhuriwa na zaidi ya wafanyaziara elfu moja.

Hafla hiyo ilifanyika Ijumaa, Novemba 22, kwa ushirikiano na Jumuiya ya Utamaduni ya Vijana na idara ya eneo hilo takatifu.

Zaidi ya zaidi ya wafanyaziara elfu moja kutoka Basra walihudhuria kuadhimisha siku za Fatimiyya—makumbusho ya kuuawa shahidi Hazrat Zahra (SA), binti yake Mtukufu Mtume (SAW).

Mpango huo ulianza kwa usomaji wa aya za Qur'ani wa maqari wa haram hiyo tukufu, wakiwemo Seyed Abdullah Hosseini na Morteza Al-Hafez.

Haj Rasool Al-Wazni, mkuu wa kitengo cha mikusanyiko ya Qur'ani katika Haram ya Imam Hussein (AS), alitoa shukurani kwa watu wa Basra kwa ushiriki wao, kama ilivyoripotiwa na huduma rasmi ya vyombo vya habari ya haram hiyo.

Amesisitiza kuwa, Qur'ani ya Dar Al-Quran bado imejitolea kuendelea kuunga mkono shughuli za Qur'ani, ambazo zina nafasi kubwa katika kuimarisha mafungamano ya kimaanawi na kuasisi maadili ya Qur'ani kwa mujibu wa ujumbe wa Ahlul Bayt (AS).

3490788