Mashindano ya Kitaifa ya Qur’ani Nigeria yashirikisha majimbo 36

IQNA – Mashindano ya kuhifadhi Qur’ani yalifanyika mjini Damaturu, mji mkuu wa jimbo la Yobe nchini Nigeria, siku ya Jumamosi.

Wahifadhi Qur'ani kutoka majimbo yote 36 ya nchi hiyo pamoja na eneo la mji mkuu wa shirikisho walishiriki katika tukio hili la kitaifa la Qur’ani.

Katibu Mtendaji wa Bodi ya Elimu ya Kiarabu na Kiislamu ya Jimbo la Yobe (AISEB), Malam Umar Abubakar, alisema tukio hili lilandaliwa na tawi la Nigeria la Taasisi ya Mohammed VI kwa ajili ya Waalimu wa Afrika na lilifanyika kwa usaidizi wa serikali ya jimbo la Yobe.

Mashindano hayo ya siku moja yaliwahusisha washiriki katika ujuzi wa kuhifadhi Qur’ani kwa mtindo wa Warsh.

Mshindi wa kwanza atawakilisha Nigeria katika fainali kuu ya Afrika itakayofanyika Morocco.

Kulingana na Katibu wa Kamati ya Mtaa ya Maandalizi, Profesa Adam Mustapha Jatkawy, mashindano haya yanalenga kuendeleza vijana Waislamu Nigeria na Afrika katika kujifunza Kitabu Tukufu ili kuunda maisha yao duniani na akhera.

Alisema tawi la Nigeria la taasisi hiyo, chini ya rais wake Mufti Sheikh Sheriff Ibrahim Saleh Al-Hussaini, pia limewaleta pamoja wasomi wa Kiislamu ili kukuza amani na kuimarisha Uislamu barani Afrika.

Nigeria ni nchi ya Afrika Magharibi. Takriban asilimia 50 ya watu wake wanakadiriwa kuwa Waislamu, asilimia 40 Wakristo, na asilimia 10 wanafuata dini za kienyeji.

3493126