Toleo jipya la tarjuma ya Qur'ani kwa lugha ya Kirusi

IQNA – Toleo jipya la tarjuma ya Qurani Tukufu kwa lugha ya Kirusi limechapishwa. Haya yalitangazwa na Mufti wa Urusi, Sheikh Nafiullah Ashirov, ambaye alisema kuwa mwanazuoni wa Kiislamu, Sheikh Suleiman Muhammedov ndiye aliyefanya kazi ya tarjuma hiyo. Alibainisha kuwa Muhammedov ameyatumia miaka mingi ya maisha yake katika kuhudumia masuala ya Uislamu, kama ilivyoripoti tovuti ya Muslims Around the World.

Alibainisha kuwa Muhammedov ametumia miaka mingi ya maisha yake katika kuhudumia masuala ya Uislamu, kama ilivyoripoti tovuti ya Muslims Around the World.

Ashirov alieleza kuwa kazi hiyo ni juhudi za kuyafanya maana na mafundisho ya Qur'ani Tukufu yaweze kufikiwa kwa urahisi zaidi na wazungumzaji wa Kirusi. Aliongeza kuwa tarjuma hiyo inapatikana mtandaoni na inaweza kupakuliwa bila malipo.

Akasema kuwa hatua hii itakuza uelewa wa mafundisho ya Kiislamu kwa lugha ya Kirusi, na pia inatoa fursa ya kujifunza kuhusu Uislamu moja kwa moja bila kutegemea tafsiri zenye makosa.

Tarjuma za Qur'ani Tukufu zina umuhimu mkubwa katika jamii zisizo za Kiarabu kwa kuwa zinawasilisha ujumbe wa Kitabu Kitakatifu kwa hadhira pana zaidi na kuwasaidia wasiozungumza Kiarabu kuelewa mafundisho ya Qurani kwa lugha zao za asili.

Kwa sababu hiyo, kuwekeza katika kazi ya kutafsiri Qur'ani kunachukuliwa kuwa hatua muhimu katika kuitambulisha dini ya Uislamu na kuikuza katika jamii zisizo za Kiarabu.

3496096