Mkuu wa Kamati ya Mashindano ya Kimataifa ya Qur’ani ya Iran ateuliwa

IQNA – Mkuu wa kamati ya maandalizi ya Toleo la 42 na 43 la Mashindano ya Kimataifa ya Qur’ani Tukufu ya Jamhuri ya Kiislamu ya Iran ametangazwa.

Mkuu wa Shirika la Awqaf na Masuala ya Kheri Iran kupitia amri rasmi amemteua Hujjat al-Islam Nasereddin Nourizadeh kuwa mkuu wa kamati hiyo.

Katika amri hiyo, Hujjat al-Islam Seyed Mehdi Khamoushi alisisitiza ulazima wa kuweka hai kumbukumbu ya Kiongozi Shahidi wa Mapinduzi ya Kiislamu pamoja na mashahidi wa Vita vya Ramadhani.

Amesema kwamba kwa kuhuisha sekretarieti na kutumia ipasavyo nguvu na uwezo wote uliopo, pamoja na ushirikiano kamili wa manaibu na wakurugenzi wa shirika hilo, na pia kwa kutumia vizuri uwezo wa vyombo vingine vya utekelezaji nchini, huku ikizingatiwa sera ya kupunguza gharama na kupanga kwa umakini, juhudi zote zinapaswa kuelekezwa ili mashindano hayo yafanyike kwa namna bora kabisa.

Mashindano ya Kimataifa ya Qur’ani Tukufu ya Jamhuri ya Kiislamu ya Iran huandaliwa kila mwaka na Shirika la Awqaf na Masuala ya Kheri la  Iran.

Mashindano hayo yanalenga kukuza utamaduni na maadili ya Qur’ani miongoni mwa Waislamu, pamoja na kuonesha vipaji vya wasomaji na wahifadhi wa Qur’ani Tukufu.

Hatua ya fainali ya toleo la 42 la tukio hilo la Qur’ani itafanyika Juni–Julai mwaka huu kwa ushiriki wa wawakilishi kutoka nchi 58.

4355539