Mashindano ya Kuhifadhi Qur'ani Kufanyika Sambamba na Maonyesho ya Kimataifa ya Vitabu ya Libya

IQNA – Mashindano ya kuhifadhi Qur'ani Tukufu yatafanyika wakati wa toleo la pili la Maonyesho ya Kimataifa ya Vitabu ya Ofisi ya Mwendesha Mashtaka Mkuu wa Libya, yatakayofanyika mjini Tripoli mwishoni mwa mwezi huu.

Kamati ya maandalizi ya maonyesho hayo imetangaza kuwa mashindano hayo yatafanyika pembezoni mwa tukio hilo, litakaloendelea kuanzia Oktoba 15 hadi 25, 2025 katika Kituo cha Maonyesho cha Kimataifa cha Tripoli.

Mashindano haya yanalenga kuwahamasisha vijana wa kiume na wa kike kushiriki na kujiendeleza katika Qur'ani Tukufu, na kuhimiza juhudi za kuhifadhi maneno ya Mwenyezi Mungu.

Washiriki kutoka makundi mbalimbali ya umri watashindana katika makundi matatu:

• Kuhifadhi nusu ya Qur'ani
• Kuhifadhi robo ya mwisho
• Kuhifadhi sehemu ya mwisho (juz)

Maonyesho haya ya Kimataifa ya Vitabu ya Ofisi ya Mwendesha Mashtaka Mkuu yanaandaliwa na Ofisi ya Utafiti wa Jinai na Mafunzo ya Libya, chini ya mamlaka ya Ofisi ya Mwendesha Mashtaka Mkuu.
Toleo la mwaka huu limewaleta pamoja taasisi na wachapishaji 425 wa ndani na wa kimataifa wakionyesha kazi zao.

Kwa mujibu wa Ofisi ya Mwendesha Mashtaka Mkuu, maonyesho haya yanajumuisha programu mbalimbali zilizobuniwa ili kuongeza uelewa wa kisheria na maarifa ya jumla kwa wageni. Pia yanatoa jukwaa kwa wachapishaji wa ndani na wa kimataifa kuwasilisha machapisho yao mapya katika nyanja za sheria, fasihi, na sayansi..

/3494985