Kiongozi wa Al-Azhar aeleza umuhimu wa kuhifadhi Qur’ani katika kufikisha ujumbe wa Uislamu duniani

IQNA – Sheikh Ahmed Al-Tayeb, Mkuu wa Kituo cha Kiislamu cha Al-Azhar nchini Misri, amesisitiza kuwa kuzingatia kuhifadhi Qur'ani Tukufu ni msingi wa kujenga kizazi kipya cha vijana wenye uwezo wa kubeba ujumbe wa wema, rehema na amani – kiini cha risala ya Uislamu kwa ulimwengu.

Akizungumza na kundi la wanafunzi wa kigeni waliojiunga na Shule ya Kuhifadhi na Kusoma Qur’ani ya Imam Al-Tayeb jijini Cairo wiki hii, Sheikh Al-Tayyeb alisikiliza kwa makini usomaji wa Qur’ani wa wanafunzi hao na kupongeza umahiri wao. Alisema kiwango cha juu cha usomaji kinadhihirisha juhudi kubwa za walimu na viongozi wa shule hiyo.

Kwa upande wao, wanafunzi walieleza kuwa shule hiyo imewasaidia kwa urahisi mkubwa katika kufanikisha kuhifadhi Qur’ani Tukufu.

Mwishoni mwa kikao, Sheikh wa Al-Azhar aliwashauri wanafunzi kuendeleza juhudi zao ili kupata uelewa mpana zaidi wa maana na tafsiri za Qur’ani, na kutoridhika tu na kuhifadhi aya. Alisisitiza kuwa lengo ni kuona vijana hao wakiwa mabalozi wa Al-Azhar katika nchi zao siku za usoni.

Aidha, aliongeza kuwa Al-Azhar haitasita kuwapa msaada wowote wanaohitaji katika safari yao ya kielimu na kiroho.

3495628/