Iran Kuandaa Mashindano ya 9 ya Kimataifa ya Qur’ani kwa Wanafunzi Mwaka Ujao

IQNA – Mashindano ya 9 ya Kimataifa ya Qur’ani Tukufu kwa Wanafunzi wa Shule kutoka ulimwengu wa Kiislamu yanatarajiwa kufanyika nchini Iran mwanzoni mwa mwaka ujao.

Mkurugenzi Mkuu wa Idara ya Qur’ani, Itrati na Swala katika Wizara ya Elimu ya Iran, Mikael Bagheri, alitoa taarifa hiyo siku ya Jumatatu, akibainisha kuwa mashindano haya hufanyika kila baada ya miaka miwili, na kwamba awamu hii ya tisa imepangwa kufanyika mapema mwaka 2026.

Amesema kuwa mialiko ya ushiriki tayari imetumwa kwa mataifa mbalimbali kwa ushirikiano na Tume ya Maendeleo ya Harakati za Kimataifa za Qur’ani, ili kuhakikisha ushiriki mpana kutoka nchi za Kiislamu.

Kwa mujibu wa Bagheri, mataifa ya Kiislamu yana hadi wiki ya mwisho ya Desemba kuwasilisha majina ya wawakilishi wao kwa sekretarieti ya mashindano hayo mjini Tehran.

Amefafanua kuwa mashindano yatafanyika kwa hatua mbili:

• Hatua ya awali itafanyika kwa njia ya mtandaoni,

• Hatua ya mwisho itafanyika ana kwa ana nchini Iran.

Washiriki wa hatua ya kwanza watatuma kazi zao baada ya kuhakikiwa, na majaji watazichambua ili kupata walio bora zaidi watakaofuzu hatua ya mwisho.

Awamu ya fainali inatarajiwa kufanyika katika mwezi wa Bahman (sawa na Januari–Februari 2026) nchini Iran.

3495773