Imam Khamenei awashukuru wananchi wa Iran kwa kuwakatisha tamaa maadui
Imam Khamenei alisema jana katika ujumbe wake kwa njia ya televisheni kwa wananchi wa Iran kwamba:" Tarehe 22 Bahman (Februari 11) mwaka huu, mmetekeleza jambo kubwa; mmeiletea heshima Iran.
Aidha amesema katika ujumbe wake huo kwamba: " Kama kawaida mmeizidishia nguvu Jamhuri ya Kiislamu kwa uungaji mkono wenu wa siku zote; na maadui ambao walitaka taifa hili lisalimu amri wamekata tamaa katika kauli na mipango yao."
Kiongozi Muadhamu wa Mapinduzi ya Kiislamu ameyataja malipo ya harakati hiyo kubwa ya umma kuwa ni heshima ya hali ya juu, mamlaka yenye nguvu zaidi na uhuru kamili zaidi wa Iran na kuongeza kuwa: "Sote tujitahidi kuulinda uhusiano huu na mafungamano ya kitaifa ambayo ni ya thamani kubwa."
Imam Khamenei amepongeza ushiriki wa wananchi na kujitokeza kwa hamasd kubwa katika mitaa mbalimbali ya Iran huku wakipiga nara kwa umoja na kusema wananchi wa Iran katika maandamano ya 22 Bahman wamedhihirisha utambulisho na mwenendo wao kwa maadui wa Jamhuri ya Kiislamu.
Habari inayohusiana:
Aidha amesema analishukuru taifa zima la Iran na snatuma salamu kwa kila mwananchi sliyrdhiriki katika mkusanyiko huo uliowakutanisha pakubwa mamilioni ya wananchi wa Iran kote nchini.
Makumi ya mamilioni ya Wairani walimiminika mitaani kote nchini siku ya Jumatano, kuadhimisha mwaka wa 47 wa ushindi wa Mapinduzi ya Kiislamu na kuwa miongoni mwa mahudhurio makubwa zaidi ya kitaifa kuwahi kushuhudiwa katika miaka ya hivi karibuni.
3496394
